Азаматтық тәрбие Азаматтық тәрбие процесінде оқушылардың көзқарастары мен нанымдарын, патриоттық сезімдерін қалыптастырады, ұлтаралық қарым-қатынас мәдениетін (интернационализм) сіңіреді, бұл Отанға деген сүйіспеншіліктің қалыптасуы мен дамуына ықпал етеді. Азаматтық тәрбие құрылымында келесі түрлерді ерекше маңызды деп бөлуге болады:
♦ өз Отанына деген сүйіспеншілікке, өз Отанына қызмет етуге дайын болуға бағытталған патриоттық тәрбие. Патриоттық тәрбие оқушыларды өз мектебінің, қаласының (ауылының), Отанының игілігі үшін белсенді жасампаз еңбекке қосу үдерісімен сүйемелденеді. Мазмұндық тұрғыдан ол Отан тарихына, оның мәдени мұрасына, халықтың салт-дәстүрлеріне ұқыпты қарауға, кіші отанға, өзінің туған жерлеріне деген сүйіспеншілікке, басқа елдер мен халықтардың өкілдерімен бауырластық, достық қарым-қатынас орнатуға ықпал етеді.;
♦ оқушылардың құқықтық білімін, заңдарды сақтауға жауапты қарым-қатынасын, құқықтық сана мен мінез-құлық бірлігін қалыптастыруға негізделген құқықтық тәрбие. Оқушылардың санасына құқықтық нормалардың талаптарын жеткізу, бұл талаптардың оларға жеке мағына алуына, күнделікті мінез-құлықта басшылық болуына қол жеткізу маңызды.
