| Қарсы көрсетілімі; Ауыр жағдайдағы науқастарға, тахикардия (100 уд/мин)
брадикардия (50 уд/мин), ЭКГ нәтижесі дұрыс болмаған жағдайда, тыныс алу жетіспеушілігінің 3 дәрежесінде, қан қақыру және қан кету қаупінде, демікпеде.
Тыныс алу жаттығулары
Өкпенің қызметін қалпына келтіруде; 1.Жалпы сергітетін жаттығулар (бүкіл ағзалардың жұмысын жақсартуға, тыныс алуды күшейтуге арналған). 2.Арнайы тыныс алу жаттығулары (тыныс жолы бұлшық еттерін қатайтады. Өкпе мен диафрагманың қозғалысын күшейтеді.) қолданылады. Бұл жаттығуларға;
Статикалық - диафрагмалды тыныс алу (ішпен дем алу) аяқ, қол, кеудені қозғамай әр түрлі қалыпта жасалына береді. Осы жаттығудың әсерінен тыныс алу жиіленіп реттеледі. Бұл кезде диафрагма пәрменді жұмыс жасап, іштің бұлшық еттері қатаяды.
Динамикалық - тыныс алу жаттығулары қимыл-қозғалыс арқылы жасалады, тыныс алғанда- қолдарды көтеру, артқа сәл шалқайып аяқтарын түзу ұстау,тыныс шығарғанда- қолдарды төмен түсіріп, кеудемен еңкейіп, аяқтарды бүгіп отырып тұру. Бұл жаттығу өкпеде ауа айналымын жақсартады.
Арнайы - өкпедегі ауа айналысын және оның бөліктерінің тыныс алу қызметін күшейтеді. Науқасты бір қырымен жатқызып, өкпенің шыныққан бөлігінің астына жастықша (валик) қойып, зақымданған бөліктегі ауа айналысын жақсартуға арналған немесе қарама-қарсы жағы кеудесінен механикалық басу арқылы жаттығулар жасалады.
Достарыңызбен бөлісу: |
