33-жаттығу. Өлеңді мәнерлеп оқы.
Өкпем жоқ
Ұмтылдым өріне өмірдің,
Өкінбес жандай көріндім.
Мен саған қанша дос болсам да,
Тағдырым, сен мені көп ұрдың.
Қалдым мен кей-кейде қапы тым,
Бәріне жетпеді уақытым.
Жетем деп келемін, білмеймін,
Жақын ба, алыс па бақытым.
Өтетін өткел көп - өткем жоқ,
Өтем деп үдеппін, өктем боп.
Жетермін, жетпеспін, талпынам,
Өмірім, өзіңе өкпем жоқ.
Қ.Нығманов
Тапсырма: 1. Автордың негізгі ойын анықта. 2. Тыныс белгілердің қойылу себебін түсіндір. 3. Мәтіннен есімдіктің мағыналық түріне талдау жаса. 4.Өкпе, наз, ренішті қай кезде адам басынан кешіреді?
Достарыңызбен бөлісу: |
