Үшінші және төртінші бүлшықет қабаттарының арасында, төмендеу орналасқан Н. И. Пироговтың шелді кеңістігінің маңызы зор. Бұл кеңістікті артынан т. pronator quadratus, алдынан саусақтардың терең бүккіші, артқы қабырғасын пронатордан жоғары жерде сүйекаралық жарғақтың төменгі бөлімі құрайды.
Хирургиялық маңызы: шыбық және шынтақтың іріңді тендовагинитінде осы кеңістікке ірің жиналады. Пирогов кеңістігінің ең кең бөлімі білезіктен 5 см жоғары жерде орналасқан.
Төртінші қабатты шаршы пранотор (m. pronator quadratus) түзеді. Ол шынтақ сүйегінің алдыңғы бетінен басталып, шыбық сүйегінің алдыңғы бетіне бекиді. Оның талшықтары әр уақытта көлденең бағытта орналасқан.
Сүйекаралық перденің алдыңғы бетімен аймақтың ең тереңдегі тамыр-нервтік шоғыры өтеді. Бүл шоғырды а. interosseae, вена және аттас нерв құрайды. A. interosseae anterior шаршы пронатордың жоғарғы қыры деңгейіне жеткенде сүйекаралық жарғақты тесіп өтіп, білектің артқы бетіне өтеді. Білезікке жақындағанда rete capri dorsale түзеуге қатысады.
