2 ҚҰЛАҚтандыру
жүктеу/скачать 1,47 Mb. Pdf көрінісі
|
alash kosemsozi 10 tom
|
ҚАЗЫНАҒА ТИЮ САЛУ Өскемен үйезі Сібе болысына қараған Ахмар ауылындағы жас жігіттер «Жас ұйым» деген ұйым аштық. Ахмар ауылы карта, лото сияқты ұтыс ойындарының туы болатын. Ұйымның мақсаты — осы ойындарды жоғалтпақ. Бұл ойыннан көп кесірлі жұмыстар туатыны белгілі. Ойынға салынып, жұрттың көбі жынды болып, шаруаға қарай алмай кетеді — бір; үлкен де, кіші де құрдас болып, жанжал шығып боқтасып, төбелесіп абиыр кетеді — екі; қолындағы ақшасынан айырылып қалып, қаны бұзылып, ақша табуға жиіркенбей шара іздейді, ұрлық қылады, өтірік айтады — үш; тағы сондай жаман мінез, жаман істер туады. Сондықтан карта, лото ойындарын тоқтатуға қаулы қылыстық. Мұнан былай карта ойнаушылар көрінсе, картасы жыртылып тасталсын. Карта ойнаушылар ауыл ақсақалы алдында жазаға бұйырылсын. Карта ойнатпауға күзетші қойылсын. Екі-үш қабат айтқанды тыңдамай, ойнай беретін кісілердің ақшасы алынып, әр жердегі мұқтаж пайдасына жіберілсін деп. Ұйымға бір председатель, бір серік, бір хатшы, 4 мүше сайланды. Председатель — Жұмағали Ережепбай баласы, хатшы Ханифа Орынтай және 4 мүше, және үш жігітті 175 карташыларды байқап жүруге бақылаушы сайладық. Жұма сайын жиылып, жұмыс тексеріліп тұрады. жүктеу/скачать 1,47 Mb. Достарыңызбен бөлісу:
|