Ү тапсырма. Әр сөйлемді  бас әріппен жазып,соңына нүкте қой

Түні бойы,қар жауды   аңдардың ізі сайрап  жатыр

атам   тазысын  ертіп, аң аулауға кетті

ҮІ тапсырма

Суреттпен жұмыс .

Сурет бойынша әңгіме құрау

Біз орманға барайық,

Жан-жағымызға қарайық.

Аю шықты қорбаңдап,

Қасқыр шықты ырылдап,

Р-р-р

Қоян  шықты секіріп,

Қорықпаңдар,балалар

Қарап –қарап алыңдар.

Мәтінің мазмұнына сәйкес.

Қыс. Айнала бәрі аппақ .Ағаштар,шыршалар ақ тон киіп алған. Көгілдір аспан.

Күн жарқырап тұр.Балалар қардан аққала жасап ,ойнап жүр.

-Қыс мезгілі туралы не білеміз?

-Қыс қандай болады?

Боран соғады.Күн суық болады.Қар жауады.Өзенге мұз қатады.Аяз болады.

• 
  Ата - аналармен жұмыс:
  

Ата – аналар мен педагогтарды балалардың ауызша сөйлеу тілі мен жазу кемшіліктерінен арылу және алдын – алу үшін тығыз ынтымақтастыққа тарту.

1. 
   Тақырыбы:  Балалардағы тілкемістігін түзетудегі ата-ананың ролі
   

Сондықтан, сөйлеу тіл бұзылымдарын диагностикалау және түзету аса маңызды, өзекті мәселе. Сөйлеу тілінде бұзылымы бар балалармен емдеу және түзету жұмыстарын неғұрлым ертерек бастаса, соғұрлым жетістіктері сәтті болады. Жиі кездесетін күрделі сөйлеу тіл кемістігін түзету үшін арнайы логопедтік сабақтар құрылады. Дегенмен, оң нәтижеге келу үшін, баланы мектепке оқуға ақаусыз дайындау үшін отбасындағы ата-ананың белсенді көмегі қажет.Сөйлеу дағдысын қалыптастыруда ата аналар қатысса, логопед пен баланың жұмысына оң әсерін тигізеді.Егер бұл қатысушылық саналы түрде болса, жақсы жоспарланған және ұзаққа созылса, онда ол тиімді бола түседі. Өзара ынтымақтастық неғұрлым ертерек басталса құба құп.

Ата-ана, егер балаңыздың дұрыс сөйлеуіне көмектескіңіз келсе:

- Балаңыздың былдырлап сөйлегеніне еліктемеңіз және сөзін бұрмаламаңыз, дұрыс сөйлеудің үлгісі болыңыз;

Баланың сөйлеу қабілетінің бұзылуы тек қана сүйетін, қамқоршы, көнбіс, білімді ата-аналар көмегімен тиімді жойылады. Өйткені жақын адамдарымен бала қөп уақыт болады

Қорыта айтқанда ең өкініштісі бос жіберіп алған  уақыт. Себебі психологтар туғанынан 3 жасқа дейінгі кезеңді бала өміріндегі ең сезімтал кезең деп санайды. 3 жасқа дейінгі кезең – сөйлеу тілінің дамуына да ең қолайлы жас. Себебі осы уақытта ми қыртысындағы сөйлеу тіл аймақтарының анатомиялық жетілуі жалпы аяқталады. Осы кезеңде тіл кемістіктерін түзету неғұрлым жеңіл болады. 

2.Ата-аналарға арналған – ашық есік.

Ата - аналар мен педагогтарға логопед жұмысының маңыздылығы, міндеті туралы презентация. Мақсаты: Сөйлеу кемістігі бар балалар, ата-аналарымен логопедтің түзету жұмысында балалардың тілін дамыту, сөздік қорларын дамыту, ауызша сөйлеуге үйрете отырып, үйренген сөздерін күнделікті өмірде еркін қолдану, әрі оны күнделікті іс-әрекет кезіндегі тілдік қарым-қатынаста қолдана білуге ат салысуын ұғындыру.

Балалардың тілін дамыту, сөздік қорларын дамыту, ауызша сөйлеуге үйрете отырып, үйренген сөздерін күнделікті өмірде еркін қолдану, әрі оны күнделікті іс-әрекет кезіндегі тілдік қарым-қатынаста қолдана білуге жаттықтыру ісіне ерекше мән беріледі. Балалармен сөздік жұмысын жүргізу ісі - тіл дамытудың негізгі бір міндеті болып есептелінеді. Біз балалармен сөздік жұмысын жүргізе отырып, оларды айналасындағы заттармен таныстырып, атын атай білуге, қасиеті мен сапасын, түр-түсі және пішінін ажырата білуге, өмірдегі, қоршаған ортадағы түрлі құбылыстар жайындағы ұғым, түсініктерін дамыта отырып, белсенді түрде тілдік қарым-қатынас жасай білуге үйретеміз. Балалардың сөздік қорларын дамытуда төмендегі міндеттер басшылыққа алынады:

- балалардың сөздік қорларын дамыту;

- жаңа сөздерді меңгерту, мағынасын түсіндіру;

- үйренген сөздерін тиянақтап, анықтап, әрі байытып отыру;

Осы аталған міндеттерді логопед үнемі сөздік жұмысын жүргізуде басшылыққа алып отыруы тиіс. Балалардың сөздік қорын дамытуда ойын, тапсырма, жаттығулардың орны ерекше. Соның ішінде ойын – баланың шын тіршілігі. Ойын арқылы бала айналасындағы нәрседен өзіне қызықтысына ықыласы ауып, таңдап алады. Баланың бір ерекше қасиеті сөйлеуден еш жалықпайды. Ойын бала тілінің дамуына ықпалын тигізіп, таным белсенділігінің дамуына жол ашады. Қай бала болмасын ойынмен өседі, өйткені бала табиғатының өзі тек ойынмен байланысты. Ойын үстінде бала еш нәрсеге тәуелсіз. Ол өзін еркін ұстайды. Ал еркіндік дегеніміз барлық дамудың баспалдағы, бәрін білуге деген талпынысы мен құлшынысы. Баланың білуге деген құштарлығы, сөйлеуі ойын үстінде қалыптасады.

Сөздік қорын дамыту жұмысын ұйымдастыруда ойын ең негізгі орын алады. Логопед бақылау, заттарды қарау, сурет қарау, жұмбақ шешу және құрастыру, саяхат, ойын оқу қызметін ұйымдастыру барысында балалардың сөздік қорларын дамытады. Оқу қызметін ұйымдастыруда танымды және дамытушы ойындарды, тапсырмаларды қолдану, балаларды заттарды бір-бірімен салыстыруға, оларды қасиетіне қарай ажыратуға және оны танып білуге үйретеді. Сөйтіп бала жасына сәйкес бағдарламалық міндетті меңгереді. Ойын ұйымдастыруда логопед өзі жетекші бола отырып, балаларды ойнай білуге, ойын ережесін сақтауға, әрі оларды ойната отырып, ойлануға бағыттайды, заттың атын немесе қасиетін есінде сақтап қалуға жол ашады, ойынға қызықтыра отырып зейінін, қиялын дамытады. Сонымен қатар ойын барысында бала үлкендермен, өз құрбыларымен қарым-қатынас жасайды. Әр бала өз жетістігіне қуанып, мәз болады. Сондықтан да ойын-тапсырмаларды таңдауда және іріктеуде балалардың жас және жеке ерекшелігін ескерген жөн. Логопед балалармен ойынды (заттармен, үстел үсті және сөздік ойын) үш түрлі етіп өткізуіне болады.

Заттармен ойналатын ойын ойыншықтарды, табиғи заттарды қолдану арқылы өті леді. Мысалы: «Дәл осындайды тауып ал», «Салыстыр да, атын ата», «Қай ағаштың жапырағы», «Бірдей ойыншықты тап», «Қайсысы көп, қайсысы аз», т.б.

Үстел үсті ойынын ұйымдастыруда домино, лото, суреттер қолданылады. Мысалы: «Суретті құрастыр», «Қандай затқа ұқсайды?», «Қай сурет тығылды?», «Бір сөзбен ата», «Кім байқағыш», «Қиылған суреттер», «Ұқсасын тап», «4-ші не артық?», «Есіңде сақта», «Күн мен түн».

Ал сөздік ойын арқылы сөзді орынды қолдана білуге, дұрыс жауап айтуға, сөз мағынасын түсінуге, орынды сөйлеуге үйренеді. Мысалы: «Сөз ойла», «Сөз құра», «Жұмбақ ойла», «Жақсы-жаман», «Жалғастыр», «Үш сөз ата».

Жалпы ойынды ұйымдастыру ойынды өткізуге әзірлік, ойынды өткізу, ойынды талдау сияқты үш бағытты қамтиды. Ойынға қажетті құрал, заттарды даярлау ойынды өткізуге әзірлік болып табылады. Балаларды ойынның мазмұнымен таныстыру ойынды өткізу болып табылады. Ойынды талдау, бұл ойынның өз мақсатына жетуі, балалардың белсенділігі және олардың іс-әрекеті болып табылады. Сонымен балалардың сөздік қорларын дамытуда ойындарды, тапсырма-жаттығуларды қолдану үлкен нәтиже береді. Ойын арқылы балалардың сөздік қоры дамып, ауызша сөйлеу машығын игереді, таным белсенділіктері  қалыптаса түсіп, ақыл-ойы өсіп жетіледі, әрі адамгершілік қасиеттер бойына сіңіреді.

• 
  Педагогтармен жұмыс:
  

Педагогтармен жұмыстың мақсаты мектепте логопедтік қызмет жұмыстарының нысандарын әртараптандыру,әр баланың ауызша сөйлеуін,грамматикалық құрылымын, байланыстыра сөйлеуін жан-жақты дамыту және педагогтарда өзінің сөйлеу қабілетін жетілдіру мен талпынуға ұмтылысын ояту.