| -Адамдар қарапайым еңбек құралдарын пайдалануды үйренген соң, табиғатқа тәуелділігі азая бастады. Олар баспана жасауды, тамақ пісіруді білмеді, олар үңгірлерді паналады.
- Алғашқы адамдардың кәсібі: біріншісі терімшілік – жер бетінде, ағаш, бұта басындағы өсіп тұрған жеміс-жидектерді, жеуге жарамды тамырларды, құс жұмыртқаларын қорек ету, екіншісі аң аулау – олар негізінен мамонттарды, бизондарды, маралдар мен жабайы жылқыларды, үңгір аюларын аулады. Аңдарды үркітіп, жарға қарай қуатын, үріккен аңдар қорқып, терең жарға құлады.
-Бірлесіп тамақ табу мен жабайы аңдардан қорғану үшін топтанып жүрді. Ертедегі адамдардың мұндай ұжымы адамдар тобыры деп аталды. Алғашқы адамдар тобыры бір жерде тұрақтамаған, қорек іздеу үшін көшіп-қонып жүрді. Тобырдың құрамы тұрақты болған жоқ, одан бөлінген адам басқа тобырға қосылатын. Кейде жаңа тобырлар қалыптасатын. Бір тобырда шамамен 20-30 адам топтасып жүрді.
- Ежелгі Палеолиттегі алғашқы адамдардың Қазақстан жеріндегі іздері:
-Жамбыл облысының Арыстанды өзені бойындағы, Қаратау маңындағы Бөріқазған, Тәңірқазған, Шабақты тұрақтары. Бұл тұрақтарды 1950-1960 жылдары Хасан Алпысбаев ашқан. Жалпы Жамбыл облысынан 5000-ға жуық тас құралы табылған. Олардың барлығы - қашау мен үшкір заттар.
-А.Медоев Батыс Қазақстандағы, Шығыс және Орталық Қазақстандағы тұрақтарды ашты.
-Сондай-ақ бұл кезеңге жататын тұрақтар:Маңғыстау түбегіндегі Шақпақата, Қазақстанның Оңтүстігіндегі Қазаңғап т.б тұрақтар
-Бұл тұрақтардан табылған тас құралдар: жарғыш сынатас, бифас, пышақ, қырғыштар, әртүрлі үшкіртастар. Бифас – екі жағынан өңделген қарапайым шапқыш тас құрал. Ретушь әдісі – бір қабаты өңделген тас құралдын жүзін ұсақ кертік-ойықтар жасау арқылы өткірлеу.
Достарыңызбен бөлісу: |
