Антикалық мәдениет философиясы

Қорытынды

Философия канонмен қатынасы жағынан өнерге ұқсайды. Философ классикалық мәтіндерге сілтеме жасай отырып, шешілуі қажетті түйіндерді айқындайды. Нақты зерттелетін зат болмай, соған

тән тәсілдер ғана бар болғандықтан, философия өзінің ұлы ұстаздарының қызмет нысаны ретінде сипатталады. Біз Сократқа дейінгі

философтар деп таныған адамдар да ғалым болған, ал кейбірі тіпті

діни жетекшілер қатарынан көрінген. Олар өздерінің XXI ғасырда

да жалғасын табатын қоғамдық мамандықтың өкілдері екені туралы ойламаған да еді. Алғаш рет «философия» сөзін біздің ұғымға

жақындатып, өз жұмыстарында қолданған Платон еді. Бүгінгі таңда

өздерін философпыз деп есептейтіндер Платон мен Аристотельдің ізбасарлары деген мәртебеге ие болуға әбден лайық. Алайда

біз - олардың ізбасарларының ат төбеліндей ғана тобымыз. «Үлы

гректердің басқа ізбасарларынан біздің ерекшелігіміз неде және

олардың ізбасарлары атануымызға қандай құқығымыз бар?» деген

сұраққа біз былай деп жауап берер едік: физиктерге, математиктерге, астрономдарға, медицина саласының өкілдеріне, лингвистерге

қарағанда, біз көздеген мақсатымызға Платон мен Аристотельден

қалған тәсілдермен жетуге тырысамыз.