Иттерде жүрек дүрсілі нақты естілетін жері сол жағында 5-ші қабырға аралығында кеуденің 1/3 ортасында, ал оң жағында 4-5-ші қабырға аралығында байқалады.
Құстарда жүрек дүрсілі екі жағында бірдей сезіледі. Сипау арқылы жүрек дүрсілінің өзгерістерін анықтауға болады. Ондай өзгерістер: жүрек дүрсілінің орнының ығысуы, әлсіреуі, күшеюі, жүрек тұсының ауырсынуы. Жүрек дүрсілінің орнынан ығысуы – көкірек қуысында ісік пайда болғанда, т.б. перекардитте, плевритте, пневмотораксте, гидротораксте, ішек-қарын құрсақ қуысы ұлғайып кеудені жылжытқан кездерде кездеседі. Жүрек дүрсілінің әлсіреуі – кеуде қуысының ісіп үлкеюі кезінде, өкпе эмфиземасында, кеудеге ауа немесе су толғанда, перикардитте кездеседі.
