30 тамыз – Конституция күніне орай мектеп кітапханасы «Қазақстан Республикасының Конституциясына – 20 жыл» тақырыбында кітап көрмесін ұйымдастырды.
Бөгетсай мектеп-гимназиясында 1 қыркүйек – Білім күніне «Менің Отаным – Қазақстан!» атты салтанатты жиыны Қазақстан халқы Ассамблеясының және ҚР Конституциясының 20 жылдығына арналды.
Жиынға 120-ға жуық ата-ана, 320 білім алушы, қонақтар, ұстаздар қауымы қатысты. Салтанатты жиын Мемлекеттік Әнұранымыздың орындалуынан басталды.
Салтанатты жиыннан кейін 1-4 кластарда – «Менің Отаным – Қазақстан!» тақырыбында Білім сабақтары өтті. Сабақ басында Мемлекеттік Әнұран орындалып, класс жетекшілер мемлекетттік рәміздерге тоқталып оқушыларға түсіндіріп кетті.
Қыркүйектің 02-05 аралығында мектеп оқушылары арасында «Менің Отаным – Қазақстан!» тақырыбында суреттер байқауы және «Мемлекеттік Рәміздер – Ел мақтанышы» тақырыбында эссе байқауы өтуде. Байқау 07 қыркүйек күні қорытындыланып, жеңімпаз оқушылар аталып, марапатталады.
Жыл бойына мектепте ҚР Әнұранының орындалуын қамтамасыз ету, «ҚР Мемлекеттік Рәміздері» тақырыбында класс сағаттарын өткізу, сонымен қатар, Мемлекеттік рәміздерді насихаттау мақсатында түрлі іс-шаралар өткізу жоспарланып отыр.
Рәміздерге деген құрмет сезімі ұлт ретіндегі белсенділігімізге, ұлттық намысымызға сын екенін естен шығармауымыз керек.
Орындаған: Ергазина А.С.
Достарыңызбен бөлісу: |