Диссертациялық жұмыстың жалпы сипаттамасы. Диссертациялық
жұмыстың арқауына қылмыстық құқық және криминология саласындағы
күрделі мәселелердің бірі – кәмелетке толмағандар қылмыстарының алдын алу
өзек етілген. Зерттеу жұмысында кәмелетке толмағандардың қылмысқа
баруының негізі себептері мен жағдайлары, олардың қылмыстылығының
ұғымы мен түрлері, топтастырылуы, кәмелет жасқа толмағандардың Қазақстан
Республикасының заңнамасы бойынша құқықтық мәртесебі, кәмелетке
толмағандардың құқық бұзушылықтары профилактикасының құқықтық және
криминологиялық аспектілері, оларды алдын алудың шаралары егжей-тегжейлі
сөз болады. Ғылыми еңбек қылмыстық құқық және криминология
теориясындағы – кәмелетке толмағандардың қылмыстылығының алдын алу
жағдайларына және оны жетілдіру тетіктерін зерделеп, егжей-тегжейлі
зерттеуге арналған.
