Қазақстан Республикасындағы балалардың жағдайы туралы баяндама

2.5. Ұсынымдар

2. Жеке статистикалық индикаторларға мына көрсеткіштерді белгілеу «балалар кедейлігінің деңгейі», «кедей үй шаруашылықтары арасында балалы отбасылардың үлесі», «балалар үшін жәрдемақы алушылардың саны», «балаларға берілетін жәрдемақылардың орташа мөлшері», «балалы үй шаруашылықтарының ақшалай табыстарының құрылымындағы балалар көмегінің үлесі».

3. Балалар жәрдемақыларының әсерінің дәрежесін бағалау үшін жәрдемақылар алатын және алмайтын балалы отбасылардың үлесін есептеу қажет, бұл осы санаттағы кедейлікке жәрдемақылардың әсерін бағалауға мүмкіндік береді.

4. Балалы отбасыларды материалдық қолдау мақсатында бала күтімі бойынша жәрдемақы төлеудің мерзімін ұлғайту, бірінші кезеңде – баланың бір жарым жасқа жетуіне дейін, одан кейін – бала күтіміне орай кепілді демалыс кезеңіне; күнкөріс минимумынан төмен емес мөлшерде төлемдерді беру кепілдемелерін құру мақсатында ана мен балаға әлеуметтік төлемдер жүйесін қайта қарау.

5. Балалардың мүддесін қорғау мақсатында:

салық кодексіне өзгерістер енгізу және жұмыс берушіні жұмыс істейтін балаларға әлеуметтік салық пен әлеуметтік төлемдер төлеуден босату, жұмыс істейтін балаларға міндетті зейнетақылық төлемдер мен табыс салығын төлеуден босату;

балалармен міндетті еңбек шартын жасасу мәселелері бойынша жұмыс берушілермен жұмыс жүргізу;

жасөспірімдер үшін жұмыспен қамту орталығын құру қажет.

6. Балалы отбасыларын қолдау мақсатында салық салу саласында мыналар ұсынылады:

бір балаға бір күнкөріс минимумы мөлшерінде жұмыс істейтін ата-аналардың біреуіне әрбір балаға салық салу жиынтық табысын азайту;

3-тарау. Білім: мүмкіндіктер және шектеулер