| Қоян терісін алғаш өңдеу жəне консервілеу.Түсірілген теріні жоралауға (обрядка) кіріседі, бұлшық ет кесімдерін, сүт бездер қалдықтарын, сырт жыныс мүшелерін кесіп алып тастайды да, көз тесіктерінен ұшаны суыту үшін 1 сағатқа ілгішке іледі. Терілерді қатар-қатарлап үйіп салуға болмайды. Теріні механикалық əдіспен майдан айырады , яғни сына түстес түзеткіш қалыпқа жайғастырып пышақпен қырады. Теріні кептіргенде, ылғал ұшуына кедергі жасайтын шоғырланған майды алады, олай істелінбесе терінің шелі (мездра) көгеріп шіриді, оның төзімділік қасиеті нашарлайды. Май қалдықтарын толық кептіру мақсатпен, теріні аздап бензин жəне ылғалдандырылған ағаш үгінімен сүртеді. Теріні тұщы-құрғақ əдіспен консервілейді, температурасы 350С-дан жоғары емес жəне ылғалдығы 30-50% жақсы желдеткішпен жабдықталған үйде кептіреді. Теріні пештің, оттың жəне күннің көзінде кептіруге, қабырғаға жантайта сүйеуге, түзетуімен тақтайға қоюға болмайды.
Тездетіп жəне біркелкі кептіру үшін, терілерді қашықтығы 10 сантиметрден, тақтайдан биіктігі 1,5 метрдей етіп ілгекке іледі. Осылайша кептірілген терілер созылғыш, икемді жəне оңай майысатын, бірақ сынбайтын, құрамында 14-16% ылғал болуы қажет.
Достарыңызбен бөлісу: |
