Қара жемісті арония
Химиялық құрамы. Арония жемістерінде қант (10% дейін), алма және басқа органикалық қышқылдар (1,3% дейін), пектиндер (0,75% дейін) және илік заттар (0,6% дейін) бар. Олардың құрамына сонымен бірге витаминдер де: аскорбин қышқылы, Р-витаминді белсенділігі бар заттар, каротин, рибофлавин, фоли қышқылы, никотин қышқылы, токоферолдар, филлохинон, пиридоксин, цианин, тиамин және т.б. кіреді. Жемістерінің жұмсақ етінде амигдалин, кумарин және т.б. қосылыстар да табылған. Олардың құрамына кіретін микроэлементтердің ішінен жемістердің 100 г жұмсағына шаққанда көбінесе темір 1,2 мг, марганец 0,5 және йод 5-8 мг кездеседі.
Медицинада қолданылуы. Медицинада аронияның сөлі және жемістерін піскен кезінде кеңінен қолданады. Ұнтақ күйіндегі Р-витаминін алу үшін аронияның жемістерін пайдаланады. Р-витаминін гипо- және авитаминоздарда, сәулелі ауруда, ревматизмде, гипертониялық ауруда, қан тамырларының өткізгіштігі нашарлағанда қолданады. Жиналған арония жемістері олардың құрамында бактерицидті қасиетке ие заттардың болуына байланысты ұзақ сақталады. Арония жемістері гипотензивті әсер көрсетеді, тәбетті ашады, қышқылдық пен асқазан сөлінің қорытқыш қабілетін көтереді, қалқанша бездердің қызметін жақсартады.
Гипертонияны, қышқылдығы төмендегендегі гастритті, тамырлардың өткізгіштігі жоғарылағанда, тиреотоксикозда, гипо- және авитаминоздарда, атеросклерозда (аронияның 100 г жемістерін немесе 50 мл сөлін немесе 100,0 өткізілген жемістерін, 1 кг жемістеріне 700 г қант деп есептеп, күніне 2-3 рет пайдаланды) ішеді.
Арония жемістерінің сөлін гипертониялық ауруының алғашқы сатысында, әр түрлі қан кетулерде, атеросклерозда, анацидті гастриттерде пайдаланады. Жемістерін гипертонияда, гепатиттерде, аллергияларда, улануда пайдаланады.
Арония сөлін 30-50 мл күніне 3 рет тамақтың алдында 30 минут бұрын 10-30 күн бойына қабылдайды. Жемістерін 50-100 г-нан күніне 3 рет қабылдайды. Олардың емдік қасиеті өңдеу кезінде де сақталады.
Батпақты ақшайыр
Достарыңызбен бөлісу: |
