«ҚазМұнайГаз» ұлттық компаниясы» АҚ Құжаттың атауы: «ҚазМұнайГаз»
Қызметкерлерге медициналық қызмет көрсетуді ұйымдастыру жөніндегі әдістемелік нұсқаулар
жүктеу/скачать 497,49 Kb.
|
Еңбекті қорғауды басқарудың бірыңғай жүйесі
| 5.3.2.3. Қызметкерлерге медициналық қызмет көрсетуді ұйымдастыру жөніндегі әдістемелік нұсқаулар
5.3.2.3.1. ҚМГ компаниялар тобының қызметкерлеріне медициналық қызмет көрсетуді ҚМГ компаниялары тобы ұйымының құрылымдық бөлімшелері және құрылымдық бөлімшелері бекітілген фельдшерлік немесе дәрігерлік денсаулық сақтау пункттері, медициналық-санитариялық бөлімдер немесе емханалық мекемелер жүргізеді немесе шарттық міндеттемелер негізінде жүргізеді. 5.3.2.3.2. ҚМГ компаниялары тобы ұйымының және құрылымдық бөлімшелерінің қызметкерлеріне медициналық-санитариялық бөлім, емхана, дәрігерлік немесе фельдшерлік медициналық қызмет көрсету жөніндегі денсаулық сақтау пунктінің жұмысы заңнамалық талаптарға және «ҚазМұнайГаз» ҰК АҚ компаниялар тобында шұғыл медициналық көмекті ұйымдастыру жөніндегі регламентке сәйкес жүргізіледі (1-нұсқа). 5.3.2.3.3. ҚМГ компаниялары тобы ұйымының және құрылымдық бөлімшелерінің қызметкерлеріне медициналық қызмет көрсету профилактикалық жұмыстың мынадай негізгі нысандарын қамтиды: 1) жұмысқа орналасу кезінде алдын ала, мерзімдік медициналық тексеріп-қараулар және ауысым алдындағы медициналық куәландыру; 2) емдеу-профилактикалық мекемелер барлық қызметкерлер үшін не тек әйелдер үшін немесе белгілі бір кәсіптегі қызметкерлер үшін диспансерлеу тәртібімен жүргізетін жаппай профилактикалық іс-шаралар және аурулардың алдын алу мақсатында басқа да профилактикалық іс-шаралар болып табылады; 3) жұмыс жағдайларын ескере отырып, қызметкерлерге емдеу-профилактикалық және санитариялық-гигиеналық көмекті ұйымдастыру, оның ішінде құрылымдық бөлімшелердің сырқаттанған немесе жарақат алған қызметкерлеріне медициналық көмек көрсету; 4) жалпы және кәсіптік сырқаттанушылықты зерттеу, талдау және олардың себептерін жою жөнінде нақты іс-шаралар әзірлеу; 5) мүгедектікті, еңбекке қабілеттілікті белгілеу бойынша дәрігерлік-медициналық сараптама, санаторий-курорттық емдеу үшін науқас қызметкерлерді медициналық іріктеу және еңбекке уақытша жарамсыздық парақтарын беру; 6) ҚМГ компаниялар тобының профилактикалық және сауықтыру мекемелері желісімен немесе аумақтық немесе салалық қағидат бойынша кәсіподақ сауықтыру орталықтары жүйесімен қызметкерлерге және олардың отбасы мүшелеріне санаторий-курорттық және сауықтыру қызмет көрсету және медициналық және сауықтыру қызмет көрсетудің басқа да нысандары. 5.3.2.3.4. Ауыр жұмыстарда, еңбек жағдайлары зиянды (аса зиянды) және (немесе) қауіпті жұмыстарда, сондай-ақ көлік қозғалысына байланысты жұмыстарда істейтін қызметкерлер олардың тапсырылатын жұмысқа жарамдылығын айқындау және кәсіптік аурулардың алдын алу мақсатында жұмысқа кіру кезінде міндетті түрде алдын ала, мерзімдік медициналық қарап-тексеруден және ауысым алдындағы медициналық куәландырудан өтеді. Бұдан басқа, көрсетілген жұмыстар мен қауіпті, зиянды заттармен және қолайсыз өндірістік факторлармен байланысты жұмыстарда мұндай міндетті медициналық қарап-тексерулер аурулардың ерте нысандарын анықтау және кәсіптік аурулардың алдын алуға және оны төмендетуге бағытталған сауықтыру іс-шараларын әзірлеу үшін жүргізіледі. 5.3.2.3.5. Мерзімді медициналық қарап-тексеруді жүргізу зиянды жағдайларда жұмыс істейтін қызметкерлердің денсаулық жағдайын динамикалық бақылауды және кәсіптік аурулардың бастапқы белгілерін уақытылы анықтауды, олардың профилактикасын және зиянды жағдайларда жұмысты жалғастыруға кедергі келтіретін жалпы ауруларды анықтауды жүргізеді. 5.3.2.3.6. Қолданыстағы заңнамалық талаптарға сәйкес қызметкерлерді міндетті алдын ала, жұмысқа қабылдау және мерзімді медициналық тексеруден өткізуді одан әрі реттеу мақсатында: 1) міндетті медициналық қарап-тексерулер жүргізілетін зиянды өндірістік факторлардың, кәсіптердің тізбесі; 2) міндетті медициналық қарап-тексерулерді жүргізу қағидалары бекітіледі. 5.3.2.3.7. Осы Стандарттың еңбек қауіпсіздігі және еңбекті қорғау жөніндегі жұмысты ұйымдастыру туралы ережелерінің талаптарына сәйкес, ҚМГ компаниясының әкімшілігі құрылымдық бөлімшенің (бірінші басшы, оның орынбасарлары, кадр қызметінің басшысы) қызметкерлеріне көзделген медициналық тексерулер жүргізуді қамтамасыз етеді. 5.3.2.3.8. Алдын ала медициналық тексеруден зиянды заттармен және қолайсыз факторлармен байланысты жұмысқа жаңадан түсушілердің барлығы заңнамалық талаптарға сәйкес өтуі тиіс. Жұмыс сипаты бойынша медициналық қарап-тексерулерге жататын қызметкерлерді жұмысқа қабылдаудың және басқа жұмысқа ауыстырудың дұрыстығын қамтамасыз ету үшін жауапкершілік ҚМГ компаниясының немесе құрылымдық бөлімшесінің кадр қызметінің басшысына жүктеледі. 5.3.2.3.9. ҚМГ компаниялар тобы ұйымының немесе құрылымдық бөлімшесінің басшылығы бұйрықпен немесе өзге ұйымдастырушылық-өкімдік құжатпен өндірістік бірліктер, кәсіптер және қолайсыз факторлар бойынша мерзімді медициналық қарап-тексеруге жататын қызметкерлердің санаттарын айқындайды және оларды уәкілетті органмен келіседі. 5.3.2.3.10. ҚМГ компаниясының немесе құрылымдық бөлімшесінің кадр қызметі қызметкерлер ұшыраған қауіпті және зиянды өндірістік факторларды, кәсіптерді, өндірістік бірліктерді көрсете отырып, медициналық қарап-тексеруге жататын қызметкерлердің атаулы тізімін, осы жағдайлардағы жұмыс өтілін құрайды. Көрсетілген тізім аумақтық уәкілетті органдармен келісіледі. 5.3.2.3.11. ҚМГ компаниялар тобы ұйымының немесе құрылымдық бөлімшесінің басшылығы қызметкерлерді медициналық қарап-тексеруді өткізу туралы бұйрық шығарады. Әкімшілік (кадр қызметі, тиісті бөлімшелердің басшылары) қызметкерлердің медициналық тексеруге және тексеруге уақытылы келуін қамтамасыз етеді және ол үшін жауапты болады. 5.3.2.3.12. Емдеу-профилактикалық мекеме медициналық тексерулердің жалпыланған нәтижелерінің негізінде қорытынды акт жасалып, тиісті тұжырымдар мен ұсыныстар жасайды, ол ҚМГ компаниялар тобы ұйымының немесе құрылымдық бөлімшенің басшылығына беріледі. Емдеу-профилактикалық мекеме қорытынды актіге қосымшаларда басқа жұмысқа ауыстыру ұсынылған, стационарлық және санаторийлік-курорттық емдеу, диеталық тамақтану, динамикалық бақылау көрсетілген адамдардың атаулы тізімін береді. 5.3.2.3.13. ҚМГ компаниялар тобы ұйымының немесе құрылымдық бөлімшесінің басшылығы денсаулық сақтау пункттерін ұйымдастыруға міндетті, атап айтқанда: 1) ауданы мен құрамы денсаулық сақтау пунктінің санатына байланысты қолданыстағы нормаларға сәйкес келуі тиіс денсаулық пункті үшін үй-жай беруге міндетті; 2) емдеу-профилактикалық мекемелерді байланыс құралдарымен, тиісті медициналық жабдықпен, олардың қалыпты жұмыс істеуі үшін аспаптармен қамтамасыз етуге міндетті; 3) өндірісте сырқаттанған немесе жарақат алған қызметкерлерді емдеу мекемесіне тасымалдау үшін көлік ұсынуға міндетті. 5.3.2.3.14. Мамандықтар бойынша ауысым алдындағы медициналық куәландыруды мамандандырылған медициналық ұйымның медицина қызметкері шарт негізінде жүргізеді. 5.3.2.3.15. Куәландыру 30 минуттан ерте емес (автокөлік құралдарының жүргізушілері үшін), жұмыс ауысымы (кезекшілік) басталар алдында 1 сағат бұрын, маршруттық (жол) парақты, нарядты орындауға арналған тапсырманы көрсеткен кезде жүргізіледі. Бір күн ішінде бірнеше рейс орындау қажет болған жағдайда куәландыру бірінші рейс алдында бір рет жүргізіледі. 5.3.2.3.16. Журналды куәландыруды жүргізген медицина қызметкері толтырады және куәландыру жүргізілген кабинетте сақталады. Медицина қызметкерлері көрсетілген мамандықтар бойынша жұмыс істейтін адамдарды шеттету себептерін талдайды және талдау негізінде жүрек-қан тамырлары ауруларына, алкогольді және психикалық-белсенді заттарды теріс пайдалануға бейім, ұзақ және жиі ауыратын (созылмалы аурулардан зардап шегетін) адамдарды қамтитын тәуекел топтарын қалыптастырады. 5.3.2.3.17. ҚМГ компаниясының немесе құрылымдық бөлімшесінің басшылығы алдын ала немесе мерзімдік медициналық тексеруден өтпеген адамдарды жұмысқа жіберуге; медициналық көрсеткіштер бойынша жұмысқа жіберілмеген адамдарды жұмысқа тартуға; медициналық қарап-тексеру нәтижелері бойынша ұсынылған шараларды қабылдамауға жауапты болады. 5.3.2.3.18. Шарт негізінде ҚМГ компаниялары тобы ұйымының немесе құрылымдық бөлімшесіне тиісті қызметтер көрсететін мамандандырылған медициналық ұйым ауыр жұмыстарда, зиянды (ерекше зиянды) және (немесе) қауіпті еңбек жағдайларында жұмыс істейтін қызметкерлерді міндетті мерзімдік медициналық қарап-тексеруден өткізуді аяқтау жөніндегі нәтижелерді жинақтайды және заңнамалық талаптарға сәйкес қорытынды акт жасайды. 5.3.2.3.19. ҚМГ компаниялар тобының ұйымы немесе құрылымдық бөлімше шарт бойынша қызмет көрсететін мамандандырылған медициналық ұйыммен бірлесіп, міндетті мерзімдік медициналық қарап-тексеру нәтижелері бойынша қорытынды актінің негізінде анықталған науқастарды сауықтыру жөніндегі жыл сайынғы іс-шаралар жоспарын әзірлейді, аумақтық уәкілетті органмен (оның ішінде көлікте) келіседі және оны басшының бекітуін қамтамасыз етеді. 5.3.2.3.20. Еңбек гигиенасы мен эргономиканы, жұмыс орындарындағы өндірістік санитарияны жетілдіру арқылы тәуекелдерді бағалауға негізделген бақылаудың алдын алу шараларын қолдану, қызметкерлердің жұмыс және жұмыстан тыс уақытта салауатты өмір салтын қолдау және көтермелеу арқылы тәуекелдерді анықтау және азайту заңнамалық талаптарға сәйкес жүзеге асырылады. жүктеу/скачать 497,49 Kb. Достарыңызбен бөлісу:
|