Аммиакты синтездеу технологиялық процес негізгі 7 операциядан тұрады:
Табиғи газды күкірттен тазартады, өйткені олар катализаторды улап реакцияның жылдамдығын төмендетеді. Тазартылған газға су буын қосып, газ бен будың қоспасын метанды конверсиялауға 1-ші сатысына жібереді.
Метанды конверсиялау реакциясы:
CH4 + H2 O ↔ 3H2 +CO - Q
Метанды каталитикалық жолмен конверсиялаудың бірінші сатысы Nі/АІ2О3 катализаторы қатысында, 800°C температурада, 1-4 МПа (табиғи газ қысымы) қысымда жүргізіледі. Бұл сатыда конверсия толық жүрмейді. Əрі қарай толық тазалау үшін, осы шыққан су газын ауа қосып, екінші сатыға жібереді. Метанның бір бөлігі ауадағы оттегімен қосылады (метаннның ауадағы оттегімен конверсиясы):
СН4 + 1/2O2 ↔ 2H2 + CO + Q
Осы реакция бойынша бөлінген жылу екінші сатыға керек жылуды қамтамасыз етеді. Бұл жерде ауамен бірге азотты қосып, азотсутек қоспасын алады. Алынған газ қоспасына су буын қосып (3) CO конверсиясына (4) жібереді.
Көміртек оксидінің конверсиясы жүреді:
500°С
CO + H2O → H2 + CO2 + Q
Fe2O3
СО2 -ні Н2 -ден тазарту үшін 2МПа қысымда сумен жуады. Процесс аяқталғанда азотсутек қатынасы 1: 3 болуы керек. Бұл кезде алынған газ құрамында едəуір көлемде, катализатордың активтілігін төмендететін, қоспалар болады, сондықтан оны 5-сатыда тазартады. Алынған азотсутек қоспасын аммиакты синтездеуге 6-колоннаға жібереді. Аммиактың шығымы 15-20% аспайды, сондықтан 7-сатыда дайын өнім аммиакты бөліп алғаннан кейін реакцияға түспеген азот сутек қоспасын қайтарады
