Қандай жүйелік шақыру орындалуы тиісті екенін анықтау үшін, операциялық жүйе шақыру параметрлерін тексереді
Осыдан кейін, операциялық жүйе процедуралар сілтемесінен тұратын кестеге қатынап, өзіне лайықты (сәйкес) процедураны шақырады.
Операциялық жүйенің көпдеңгейлік құрылымы
Алдындағы амалдардың жалпы қорытындысы - операциялық жүйені деңгейлер иерархиясы ретінде ұйымдастыру. Деңгейлер операциялық жүйенің функцияларының топтары – файлдық жүйе, үрдістерді және құрылғыларды басқару және де осы сияқтылар арқылы құрылады. Әрбір деңгей өзінің тікелей көршісімен – жоғарырақ немесе төмендеу орналасқан деңгеймен әрекет қыла алады. Операциялық жүйенің қолданбалы программалары немесе модульдері осы деңгейлер бойынша сұраныстарды жоғары және төмен жіберіп отырады.