Қайталау сұрақтары
Дисперсті жүйелер дегеніміз не?
Дисперсті орта, дисперсті фаза, дисперстік дәрежесі дегеніміз не?
Судың универсал еріткіш болуы оның қандай қасиеттеріне байланысты?
Гидраттар мен сольваттарда байланыстың қандай түрлері орын алады? Кристаллогидраттар дегеніміз не?
Ерігіштік энтальпиясы дегеніміз не? Бұл шамаға қандай факторлар әсер етеді?
Суда қатты, сұйық және газ тәрізді заттар ерігенде энтропияның өзгеруінің жалпы заңдылықтары қандай?
«Қаныққан ерітінді», «қанықпаған ерітінді», «аса қаныққан ерітінді» ұғымдарына анықтама беріңіз.
Бейэлектролит ерітінділерінің коллигативтік қасиетіне қандай қасиеттер жатады?
Еріген заттың массалық және мольдік үлесі дегеніміз не?
Ерітінді концентрациясын белгілеудің қандай түрлері бар?
13. СУДЫҢ ДИССОЦИАЦИЯЛАНУЫ.
Дәріс жоспары
1. Судың диссоциациялануы. Сутектік көрсеткіш.
2. Иондық алмасу реакциялары. Тұздар гидролизі.
3. Кешенді иондардың диссоциациясы.
Судың диссоциациялануы. Сутектік көрсеткіш
Су – әлсіз амфотерлік электролит. Судың диссоциациялану теңдеуі:
2 Н2О Н3О+ + ОН-
немесе
Н2О Н+ + ОН-
Теңдеуден көрініп тұрғанындай, Н+ және ОН- иондарының концентрациялары бірдей, сондықтан диссоциация кезіндегі судың концентрациясы [Н2О] іс жүзінде тұрақты қалады. Демек, диссоциация тұрақтысының мәні де тұрақты күйде қалады:
Судың диссоциация дәрежесі өте кіші болғандықтан, судың диссоциацияланбай қалған молекулаларының тепе-теңдік концентрациясы
[Н2О] судың жалпы концентрациясына тең, яғни
Онда К = [Н+] [ОН-] = К[Н2О] = 1,8 · 10-16 · 55,55 = 1,0 · 10-14 = Kw,
мұндағы Kw – судың иондық көбейтіндісі.
Таза судағы сутек иондары мен гидроксид-иондарының концентрациялары тең және 25°С кезінде [Н+] = [ОН-] = 10-7 моль/л құрайды.
Кез келген сулы ерітіндінің ортасын сутек иоидарының концентрациясымен [H+] немесе гидроксид-иондарының концентрациясымен [ОН-] сипаттауға болады:
а) егер [Н+] = [ОН-] = 10-7 моль/л болса, онда орта бейтарап;
б) егер [Н+] > [ОН-] , [Н+] > 10-7 моль/л болса, онда орта қышқылдық;
в) егер [Н+] < [ОН-] , [Н+] < 10-7 моль/л болса, онда орта сілтілік.
Әртүрлі қышқылдықта болатын ерітінділердегі сутек иондарының концентрациясы көп реттілікке өзгере алады. Сондықтан, ыңғайлы болуы үшін сутек иондары концентрациясының теріс ондық логарифмін пайдаланады, оны сутектік көрсеткіш деп атайды рН (пэ-аш):
Достарыңызбен бөлісу: |