Бейорганикалыќ Ќосылыстардыѕ негізгі кластары
жүктеу/скачать 5,09 Mb.
|
бейорганикалық химия дәрістер
- Бұл бет үшін навигация:
- 15. ЭЛЕКТРОХИМИЯЛЫҚ ПРОЦЕСТЕР
| Қайталау сұрақтары
Тотығу дәрежесі деп нені атайды? Тотығу-тотықсыздану реакцияларына анықтама беріңдер. Олардың кандай типтері бар? Қандай заттар тотықтырғыш та, тотықсыздандырғыш та қасиет көрсете алады? Мұндай екі жақтылыққа мысал келтіріндер. Ионды-электрондық баланс әдісі қандай ережеге негізделген? Адам өзінің күнделікті өмірде іске асыратын тотығу-тотықсыздану реакцияларына мысал келтіріңдер. Тотығу-тотықсыздану реакциялардың жүруіне әсер етер ортаның ықпалын түсіндіріңдер. Тотығу-тотықсыздану реакциясының бағытын болжауға бола ма? Мысал келтіріндер. 15. ЭЛЕКТРОХИМИЯЛЫҚ ПРОЦЕСТЕР Дәріс жоспары 1.Электрохимиялық процестер. Кернеу қатары. 2. Электролиз. Электролиз заңдары. Кернеу қатары Егер стандартты сутек электродының потенциалымен салыстырып әртүрлі металдардың стандартты электродтық потенциалдарын өлшеп және оларды өсуі бойынша орналастырса, металдардың электрохимиялық кернеу қатарын алады (солдан оңға қарай металдардың химиялық белсенділігінің азаюы жүреді): Li Rb K Ba Sr Ca Na Mg Al Mn Zn Cr Fe Cd CО Ni Sn Pb H Sb Bi Cu Hg Ag Pd Pt Тарихи тұрғыдан алғанда, бұл қатардың алдында Н.Н.Бекетовтың «ығыстыру қатары» келеді. Кернеу қатары металдардың химиялық қасиеттерін сипаттайды: 1. Металдың электродтық потенциалы терістеу болған сайын, соғұрлым оның тотықсыздандырғыш қабілеті үлкен. 2. Әрбір металл ерітіндіден металдардың кернеу қатарында өзінен кейін орналасқан металды ығыстыруға қабілетті. Бұған бағына бермейтін тек сілтілік және жер-сілтілік металдары (Li, K, Ba, Ca, Na), олар сумен әрекеттеседі. 3. Кернеу қатарындағы сутектің сол жағындағы барлық металдар қышқылдан сутекті ығыстырады және олардың стандартты электродтық потенциалы теріс мәнде болады. 4. Тұз ерітінділеріндегі металды молекулалық сутекпен ығыстыруға болады (сутек электроды тек платинаның қатысуымен жұмыс істейді). 5. Күкірт және тұз қышқылдары ерітіндісінен қорғасын сутекті ығыстырмайды. Келтірілген кернеу қатары металдарды және олардың қасиеттерін тек сулы ерітінділерінде ғана сипаттайды. Мінеки, сондықтан да электрохимиялық қатар литий элементінен басталады, ал рубидий мен калий белсенділеу болса да литийдің оң жағында орналасқан. Бұл литий иондарының гидратация процесіндегі энергиясы жоғары болуымен байланысты. Кернеу қатарындағы металдың орналасқан орны орынбасу реакцияларының өздігінен жүру мүмкіндігін алдын ала болжауға мүмкіндік береді. Тотықсыздандырғыштың теріс потенциалы (тотықтырушынікімен салыстырғанда) жоғарылау болатын реакциялар өздігінен жүре алады. жүктеу/скачать 5,09 Mb. Достарыңызбен бөлісу:
|