ЖҰМЫСТЫҢ ОРЫНДАЛУ БАРЫСЫ
І. Өлшеулер
1. Жұмыстың құралдарымен танысу.
2. Лазерді қосып, лазердің, тордың және экранның дұрыс қондырылғанын тексеріңдер. Дұрыс қондырылған жағдайда центрлік дифракциялық дақ экран центрінде орналасу қажет және дөңгелек пішінді болу қажет.
3. Торды және экранды мұғалімнің нұсқауы бойынша орналастырып, олардың х және х′ координаттарын оптикалық орындықтың шкаласы бойынша анықтаңдар.
4. Содан соң бірінші линзаны орналастырып, экранда сәуленің үлкейтілген және кішірейтілген дақ-кескіні пайда болғанша оны жылжыта отырып, осы күйлердің х1 және х2 координаттарын өлшеңдер. Әрбір күйдің координаттарын бес рет өлшеңдер.
5. Екінші линзаны орналастырып, екі линзадан тұратын жүйе үшін 4-бөлімді қайталап жасаңдар.
6. Екі линзаны да алып, экранды негізгі жарық «крест» ссәулелерінің арасындағы дақ анық көрінетіндей етіп орналастырыңдар. Дисторсия құбылысын бақылау үшін линзаны тор мен экранның ортасына орналастырыңдар (9-сурет).
9-сурет. Дисторсияны бақылаған кездегі сәулелердің жолы.
Стерженьге әуелі бір линзаны, содан соң екі линзаны орналастырып, әрбір жағдай үшін экранда жарық дақтарының таралу құрылымын суреттеңдер (10-сурет).
10-сурет. Көпшіктәрізді және бөшкетәрізді дисторсия кезіндегі экранда дақтардың таралуы.
Достарыңызбен бөлісу: | 
