Технологиялар коммерциаландыру департаменті

ҚБ=Рорт*0,6+ЕБ*0,4, Рорт=(Р1+Р2)/2, Р1(Р2)=(АғБ+РБ)/2

мұнда: ҚБ – қорытынды баға;

         Р1 – бірінші рейтинг бақылауының нәтижесі;

           Р2 – екінші рейтинг бақылау нәтижесі;

         ЕБ – емтихан бағасының балы;

Рорт – орташа рейтинг (жіберілу рейтингі);

РБ – рубеждік бақылау нәтижелері;

АғБ – ағымдық бақылау нәтижелері.

• 
  Ағымдық бақылау – оқытушылардың білім алушының сабақта алған білімдерін жүйелі тексеріп отыруы. Білім алушылардың үлгерімінің ағымдағы бақылауы оқу дисциплинасының әрбір тақырыбы бойынша өткізіледі және аудиториялық, аудиториядан тыс сабақтарды қамтиды. Үлгерімнің ағымдағы бақылауы кезінде оқу жетістіктері әрбір орындалған тапсырма үшін (ағымдағы сабақтағы жауап, үй тапсырмасын тапсыру, СӨЖ, аралық бақылау) 100 баллдық шкала бойынша бағаланады және үлгерімнің ағымдағы бақылауының соңғы нәтижесі академиялық аралық ішінде алынған барлық бағалардың орташа арифметикалық есебі бойынша есептеледі.
  

• 
  Қорытынды бақылау – пәнді меңгергеннен кейін білім алушының білім деңгейін бақылау (емтихан сессиясы).
  

• 
  Білім алушылардың білімдерін бағалауда бағаның көпбалдық жүйесі әріптік символда қолданылады.
  

ОҰ = (О₁ х К₁ + О₂ х К₂ + ... + О_n x K_n)/(K₁ + K₂ + … K_a),

О₁ О₂ О_n – 4 балдық жүйенің бағасы (балдардың сандық эквиваленті), К₁ К₂ К_n – кредиттің саны
Оқу жылының қорытындысы бойынша жазғы семестр нәтижелерін ескере отырып, тіркеу офисі білім алушының оқудағы жетістіктері деңгейінің орташа бағасы ретінде орташа үлгерім балын (GPA) есептейді. Бұл ретте курстан курсқа көшу балын (GPA) есептеу кезінде барлық оқу кезеңіндегі академиялық қарыздар ескеріледі.

Орташа балл (GPA) кредит-сандық эквивалент жүйесі негізінде есептеледі.

Қорытынды өлшем бағаның сандық эквивалентін модульге берілген кредиттер санына қосып, білім алушы тіркелген жалпы кредиттер санына бөлгендегі сома болып табылады.
GPA есептеу үлгісі:

Модуль	Кредиттер саны	Әріптік жүйе бойынша баға	Сандық эквивалент
Математика	3	А	4.00
Информатика	2	В	3.00
Физика	3	F	0

Математика 4.00 х 3 = 12.00

Информатика 3.00 х 2 = 6.00

Физика 0 х 3 = 0

Қорытынды өлшем = 12 + 6 + 0 = 18.00

Егер GPA есептеу кезінде орташа балл үтірден кейін екі белгісі бар сан болса, онда математика ережелеріне сәйкес GPA-ді ондыққа дейін дөңгелектеу керек (үтірден кейін бір белгіге дейін): егер үтірден кейінгі екінші сан 0,1,2,3 немесе 4 болып аяқталса, онда үтірден кейінгі бірінші сан өзгермейді; егер үтірден кейінгі екінші сан 5,6,7,8 немесе 9 болса, онда үтірден кейінгі бірінші сан бір бірлікке арттырылады, мысалы: 2,23 = 2,2; 2,25 = 2,3; 2,27 = 2,3 және т.с.с.

Университетте білім алушының келесі курсқа көшірілуіне рұқсат беретін минималды орташа үлгерім балының (GPA) келесі өлшемі белгіленген:

– 1-курстан 2-курсқа – 2,0;

– 2-іншіден 3-курсқа – 2,2;

– 3-курстан 4-курсқа – 2,3;

– 4-курстан 5-курсқа – 2,5.
Магистранттар мен докторанттар үшін:

– 1-курстан 2-курсқа – 2,5;

– 2-курстан 3-курсқа – 2,5;

Курстан-курсқа өту балын есептеуде сол оқу жылында оқып, тапсырған пәндермен бірге алғашқы академиялық кезеңдерде «F» бағасын алған пәндер де есепке алынады.

Курстан курсқа көшу балын жинай алмаған білім алушыға өзінің орташа үлгерім балын (GPA) жоғарылату мақсатында жазғы семестрде жекелеген модульдерді (пәндерді) ақылы негізде (мемлекеттік емтихан тапсырылатын «Қазақстан тарихы» «Қазақстанның қазіргі заман тарихы» пәнінен басқалары) қайта оқып, олар бойынша қайтадан емтихан тапсыру мүмкіндігі беріледі.

Курстан курсқа көшу кезінде орташа курстан курсқа көшу балын (GPA) анықтау кезінде тәжірибеден өту мерзіміне сәйкес келсе, тәжірибе бағалары да ескеріледі (егер тәжірибе каникул уақытында, шілде-тамызда аяқталса, оның нәтижелері келесі семестрде ескеріледі).

Ақылы негізде оқуын жалғастыру үшін қайталама курсқа қалдырылған білім алушы келесі оқу жылының 10 қыркүйегіне дейінгі мерзімде ақылы білім қызметтерін көрсету келісім-шартын жасауға міндетті.

Курсты қайта меңгеру кезінде оқу үшін төлемақы іс жүзінде меңгерілетін академиялық пәндер есебінен (игерілетін кредиттер) жүргізіледі. Аталған жағдайда бұйрық ресімделеді, оған факультет деканының ұсынысы негіздеме болады.

Қайта оқу курсына қалдырылған білім алушы бұрын қабылданған жеке оқу жоспарын ерте орындап шығуы мүмкін немесе белгіленген тәртіпте жасалған жаңа жеке оқу жоспарын құруы мүмкін.

Келесі курсқа көшірілген білім алушы академиялық қарызы бар болса, тиісті пәнін қайта оқуда міндетті компонентті ақылы негізде оқиды.

Қайта оқу курсы немесе академиялық қарыздарын жабу мақсатымен қайта оқитын сабақтары ақылы негізде оқылады.

Курстан курсқа өтуге қажетті орташа ұпайы (GPA) жеткілікті, келесі курсқа көшірілген, бірақ академиялық қарызы бар білім алушы бұл қарыздарын жазғы семестрде жабуы тиіс.

Академиялық қарыздардарын тапсыру үшін және курстан курсқа өтуге қажетті орташа ұпайы (GPA) жеткіліксіз білім алушы жазғы семестр кезінде курсты қайта оқып, емтихан тапсыруға міндетті.
Назар аударыңыз: Білім алушы курстан курсқа көшірілу үшін оқу жылының аяғында өзінің курстан курсқа өтуге қажетті ұпай санының (GPA) жеткілікті екенін анықтап, көз жеткізіп барып жазғы демалысқа шығуы тиіс.

Білім алушыларға академиялық адалдық үшін толық жауапкершілік жүктеледі, олар өздеріне берілген тапсырманы өздігінен орындауы тиіс және емтихан орындау кезінде, басқа тапсырмаларды орындау кезінде ережелер мен қолданбаларға бағынуы тиіс.

Күндізгі оқу бөлімінде оқитын білім алушылар бекітілген сабақ кестесіне сай барлық аудиториялық сабақтарға қатысуы тиіс. Кеңес беру сипатындағы аудиториядан тыс СӨЖО сабақтарға оқытушыға сұрақтары бар болса және өздік жұмыстар мен жіберген сабақтарының материалдарын тапсыру үшін ғана қатысуға болады. Жекелеген жағдайда осындай сипаттағы сабақтарға қатысу оқытушының талап етілуімен міндеттеледі.

Аудиториядағы сабақ барысында әрбір білім алушы барлық үлгідегі өткізілген сабақтарға қатысып отыруы керек (ауызша жауап, жазбаша жұмыс, ой бөлісу, пікірталас, топтық жұмыс, жобаның орындалуы, т.б. )

Түсінікті етіп жазыңыз, әйтпесе өз жазуыңызды өзіңіз түсіне алмайсыз.

Қосымша белгілерді жазып отыру үшін парақтың шетінен орын қалдыруды ұмытпаңыз.

Конспектілеу әдісін жеңілдететін ерекшеліктерін шартты жүйемен енгізіңіз.

Жазулар ықшамды және ұқыпты болуы керек. Бұл олардың шолуды жақсартады.

Жазуларды ерекшелеп қою тиімді, мәтіннің тармақтарын керегінше нөмірлеп, мәтіндегі әр түрлі үзінділерді басқа бояулармен белгілеу керек.

Жолдардың арасынан жеткілікті орын қалдырыңыздар. Бұл қатенің үстінен дұрыс нұсқасын жазу үшін керек.

Мәтінді өзіңізге ыңғайлы қаламмен жазыңыздар, қарындашты тек белгілеу мен түзетулерді енгізу үшін қолданыңыз.

Қолжазбаға мерзім қою кедергі келтірмейді.

Кез келген ерекшеліктерді жете ұғыныңқы пайдаланыңыз. Ала-құла, шимайланған бет көзге жаман түседі және мұндай конспектінің тиімділігі аз болады.

Шартты белгілеріңізді үнемі бірдей белгілеңіз, шартты және басқа да белгілеріңізді қандай жағдайда қолданғаныңызды есте сақтаңыз. Әйтпесе біраз уақыт өткеннен кейін шартты белгіңізді ұмытып, өз жазғаныңызды түсінбей қалуыңыз мүмкін.

Оқулықтармен және ғылыми әдебиеттермен

жұмыс істеу
Әдебиетті қалай оқу керек? Ұсынылған әдебиетті оқу барлық жазылғанды пассивті түрде қабылдап, мәтінге жақын мазмұндап беру емес. Мәтінді талдап, ол туралы ойлау, яғни оқуды белсенді үдеріске айналдыру керек:

• 
  жазбаны оқу барысында қарапайым немесе күрделі жоспар құру (яғни қарастырылған негізгі сұрақтар тізбесін құру);
  
• 
  тезистер құрастыру (мақаланың маңызды тұстары және автордың негізгі ойы);
  
• 
  аннотация дайындау (жұмыстың мәселелер тудыратын сұрақтарына қатысты );
  
• 
  конспектілер жасау (нақты дәлелдері бар толықтырылған тезистер).
  

1. Пайдаланылған әдебиеттер туралы анықтама – авторы, аты, жылы және баспа орны, бет саны.

2. Өз ойыңызды нақтылауға және толықтыруға орын қалдырыңыз.

3. Конспектіні құрылымды түрде жоспарға сәйкес бөліңіз.

4. Қысқартуларды пайдаланбай, тек қана негізгілерін жазу қажет.

5. Оқылған еңбектің ең маңызды тұсын көрсету керек.

6. Конспектіге, әсіресе тақырыптық конспектіге бірнеше еңбектен алынған көшірме, тезистер, қаралып отырған мәселеге қатысты монографияларды енгізуге болады.

Білім алушылардың өздік жұмыстары
Білім алушылардың өздік жұмысы. (СӨЖ) аудиторялық уақыттан тыс оқытушының қатысуымен (СӨЖО), сондай-ақ, сабақ кестесіне сай аудиториялық уақытта оқытушының қатысуынсыз жасалады.

СӨЖ және СӨЖО бойынша әдістемелік нұсқаулықтар кафедраның профессорлық-оқытушылық құрамымен дайындалып, мынадай құжаттарды қажет етеді:

• 
  СӨЖ графигі, пәндердің оқытылу барысының уақытына арналған;
  
• 
  тапсырмалар құрылымы;
  
• 
  рефераттар, баяндамалар мен шығармашылық жұмыстардың тақырыптары;
  
• 
  курс және диплом жұмыстарының тақырыптары;
  
• 
  негізгі және қосымша әдебиеттер тізімі;
  
• 
  кеңес беру түрлері;
  
• 
  бақылаудың түрлері мен формасы;
  
• 
  бағалау критерийлері мен жұмыс көлемі, дайындалу мерзімі және т.б.
  

Сол себепті егер сіздің ағымдағы рейтингіңіз төмен болып, қосымша кеңес алғыңыз келсе және берілген тапсырмаларды орындауға қиналатын болсаңыз, онда оқытушы дәстүрлі түрде сабақ жүргізеді. Ал егер сіздің академиялық рейтінгіңіз жоғары болса, оқытушы өз қалауы бойынша сізді дәстүрлі сабақтан босата алады. Сонымен қатар оқытушы сізге жеке немесе топпен бірге тапсырма беріп, олардың орындалуын бақылау түрінде тексеріп отырады.

Өздік жұмыстарды орындап отыру Сіздің оқытушының көмегінсіз-ақ сабақтар мен емтихандарға дайындығыңызды арттырады.

СӨЖ материалдарын өз бетінше меңгеруде кітапхана, компьютерлік сыныптар, лингафондық кабинет, медиатека, оқу телеарнасы, мамандандырылған зертханалардың көмегі зор.

СӨЖ бақылаулары жазбаша және ауызша формада қорытынды нәтижені алуға бағытталып жүргізіледі. Жазбаша түрдегі бақылау конспект, реферат, баяндама, шығармашылық бақылау, курс және диплом жұмыстары, ғылыми мақалалар, аудио- және видеоесеп т.б. түрінде өтеді. Ал ауызша бақылау коллоквиум, конференция, іскерлік ойындар, баяндау, хабарлама, жеке сұхбаттасу түрінде болуы мүмкін.

Сабақтан қалу

Сабақтан тек белгілі себептерге байланысты ғана қалу керек. Белгілі себептер:

• 
  ауырып қалған жағдайда (білім алушылар емханасынан алынған арнайы анықтама қағазы болу керек);
  
• 
  спорттық жарыстарға, олимпиадаларға, конкурстар мен конференцияларға қатысу (дәлелдейтін құжат болу қажет);
  
• 
  отбасылық және т.б. белгілі себептер (деканаттың рұқсаты берілген өтініші болуы тиіс);
  

Сабаққа кешігуге мүлдем тыйым салынады. Сабаққа он минут кешіккен білім алушы оқытушының рұқсатымен ғана қатыса алады. Ал егер он минуттан көп кешігетін болса, онда сабаққа кіруге рұқсат етілмейді және сабақтан себепсіз қалған болып саналады

Оқытылып отырған пән бойынша білім алушының ағымдағы рейтинг қорытындысы 60 пайызды, ал емтихандағы қорытынды баға 40 пайызды құрауы тиіс.

Алынған қорытынды бақылау нәтижесіндегі жетістік сынақта бекітілген кредит санының пәнге сәйкестігінің негізін көрсетеді.

Емтихан кезінде ағымдағы қорытынды бағаны көтеру мақсатында қайта тапсыруға болмайды.

Қорытынды бақылау кезінде қанағаттандырмайтын баға алған жағдайда немесе емтиханға себепсіз келмеген жағдайда, білім алушының тиісті пәнге кредиттері қатысты есепке алынбайды.

Егер білім алушы емтиханға келмесе, емтихан ведомосында білім алушы фамилиясының тұсына «келген жоқ» деген белгі қойылады. Бұл академиялық қарыз болып саналады. Егер білім алушы емтиханға белгілі себептермен келмей қалған болса,(7 күн ішінде растайтын құжаттар ұсынылады) деканат жеке тәртіппен емтихан қабылдауға рұқсат береді.

Егер білім алушы емтихан үстінде тәртіп бұзатын болса, ол аудиториядан шығарылып, оның фамилиясының тұсына «аудиториядан шығарылған» деген белгі қойылады да, ол академиялық қарыз болып саналады.

Егер білім алушы мемлекеттік тапсырыспен – гранттағы оқу жоспарына сай қажетті кредитті жинай алмаса, онда білім алушы оқу жоспарында қарастырылғандай сол пәнді ақылы түрде оқып, кредит жинауға құқылы.

Жазғы семестр кезінде білім алушыға қарыз немесе академиялық пәндер және айырма пәнінің 12 кредитін ғана жинауға рұқсат етіледі.

Қорытынды бақылау кезінде «қанағаттанарлық емес» баға алған білім алушы оқу жоспары бойынша келесі академиялық кезеңде аталған пәннің барлық дәрісіне қатысып, келесі қорытынды бақылауды тапсыруға рұқсат алуы тиіс.

Мемлекеттік білім грантында оқитын білім алушылар аралық бақылау қортындысы бойынша барлық емтихандарды «А», «А-», «В+», «В», «В-» бағаларымен тапсырған болса, оған шәкіртақы төленеді.


Білім алушылардЫ ауыстыру, ОҚУДАН шығару ЖӘНЕ қайта қабылдау жолдары
Білім алушы келесі жағдайларда Университеттен шығарылуы мүмкін:

• 
  өз еркімен (соның ішінде басқа ЖОО-ға ауысуына байланысты, медициналық нұсқаулар бойынша, отбасылық жағдайына байланысты және т.б.);
  
• 
  себепсіз жағдайлармен оқу сабақтарына қатыспағаны үшін. 10 сағаттан артық себепсіз жағдайлармен сабақ босатқан жағдайда – білім алушыға ескерту жарияланады, 15 сағаттан артық – сөгіс, ал студенттер үйінде тұратын білім алушы – студенттер үйінен шғарылады. Себепсіз жағдайлармен 20 сағаттан артық босатқан кезде – қатаң сөгіс, ал 25 сағаттан асса – Университеттен шығарылады;
  
• 
  тәртіптік қате жасағаны, оқу тәртібін, Жарғыны, осы Ережені, Ішкі тәртіп ережелерін, Білім алушылардың ар-намыс кодексін жүйелі немесе өрескел бұзғаны үшін және т.б.;
  
• 
  Қазақстан Республикасы заңнамасының нормаларын, Университетпен білім алуға жасалған келісімнің шарттарын бұзғаны үшін;
  
• 
  оқу төлемақысы бойынша қаржылық қарызы үшін.
  

Білім алушы сабақтарға қатысуын тоқтатып, өз еркімен оқудан шығу туралы өтінішті уақытында бермеген жағдайда, білім алушы оқу тәртібін бұзғаны, яғни себепсіз жағдайлармен сабақтарға қатыспағаны үшін оқудан шығарылуы мүмкін (осы Ереженің 12.9.1 т. сәйкес). Мұндай жағдайда оқуға төленген қаражат қайтарылмайды.

Білім алушы тіркелмеген және/немесе оқу сабақтарына қатыспаған немесе оның болмауының себептерін растайтын қандай да бір құжаттарды ұсынбаған жағдайда, факультет деканаты білім алушының сабақтарға келмеу себептерін анықтауға қатысты қажетті шаралар қолданады.

Одан әрі сабаққа қатыспаған жағдайда, факультет деканы білім алушыны оқудан шығару туралы бұйрық шығаруға ұсыныс береді.

Семестр ағымында оқу ақысын төлемегені үшін Университеттен шығарылған ақылы негізде білім алушылар оқу ақысы бойынша қарызын өтеген жағдайда, оқудан шығарылған уақыттан бастап төрт апта ішінде қайта қабылдануға құқылы. Бұл жағдайда білім алушы Университет ректорының атына қайта қабылдау туралы өтініш жазып, оқу ақысын төлегені туралы түбіртекті қоса береді. Білім алушы оқудан шығарылған уақытқа дейін модульдер бойынша алған балдарының саны қайта қабылдау кезінде толықтай есептеледі.

Университеттен шығарылған білім алушыға белгіленген үлгідегі академиялық анықтама мен академиялық транскрипт беріледі.

Пән айырмашылығын анықтау кезінде қорытынды бақылау түрлеріндегі айырмашылықтар есепке алынбайды.

Сынақ білім алушының оқу жетістіктерін бағалаудың әріптік жүйесіне ең төменгі D-дан (1,0; 50-54%) бастап, ең жоғарғы А-ға (4,0; 95-100%) дейінгі диапазонға теңестіріледі.

Білім алушылардың курстан курсқа ауысуы көктемгі семестр мен ауысу балының нәтижелерін ескере отырып жазғы емтихандық сессияның (аралық аттестация) қорытындылары бойынша жүзеге асырылады.

Білім алушының курстан курсқа ауысуы ЖОО басшысының бұйрығымен рәсімделеді.

Білім беру гранты бойынша оқитын студент белгіленген ауысу балын жинаған және келесі курсқа академиялық қарызбен ауыстырылса, ол алушы академиялық қарызын ақылы түрде жоя алады, әрі оның білім гранты сақталады.

Білім гранты бойынша оқып жатқан, бірақ қайта оқу курсына қалдырылған студент грантынан айырылады және ары қарай ақылы негізде оқуын жалғастыра алады.

Білім беру грантымен оқып жатқан оқушы басқа ЖОО-ға білім грантын сақтай отырып ауыса алады.

Жекелеген ЖОО-ға тағайындалған мемлекеттік білім беру тапсырысы бойынша мақсатты орындарға, сондай-ақ, бөлінген квота шеңберінде педагогикалық мамандықтарға түскен білім алушыны басқа ЖОО-ға білім беру грантын сақтай отырып ауыстыруға жол берілмейді.

Ауысу мен қайта қабылдаудың міндетті шарттары – оқу-жұмыс жоспарының барлық талаптарын бірінші академиялық кезеңде орындау және аралық аттестацияны тапсыру.

Қайта қабылдау рәсімі келесі сипатта іске асырылады:

1. 
   білім алушы өзінің білімін қайта жалғастырғысы келетіні жөнінде ЖОО ректорының атына қайта қабылдау туралы өтініш жазады. Өтінішке транскрипті қоса береді;
   
2. 
   тіркеу офисі берген транскипт негізінде оқу-жұмыс жоспарындағы көрсетілген айырмашылықтары мен оқу курсын анықтайды;
   

Білім алушының бір жоғары оқу орнынан екіншісіне ауысу рәсімі келесі сипатта іске асырылады:

1) білім алушы өзі оқып жүрген ЖОО ректорының атына ауысуы туралы өтініш жазады, жазбаша мөрмен бекітілген келісімін алғаннан соң, өзі ауысқысы келген ЖОО ректорының атына өтініш жазады. Өтінішпен қоса факультет деканының қолы қойылып, мөрмен бекітілген және транскрипт нүпнұсқасы, ұлттық бірыңғай тестілеу сертификатын немесе кешенді тестілеу қорытындысының көшірмесі, мемлекеттік білім грантының иегері куәлігінің көшірмесін, сонымен қатар өзі оқыған оқу орны басшысының атына жазған өтінішінің (ректордың қолы мен мөрі қойылған) көшірмесін өткізеді;

2) тіркеу офисі берілген құжаттар негізінде оқу-жұмыс жоспарының міндетті пәндер бөлігінің айырмашылығын және оқу курсын анықтайды;

3) факультет деканы мен кафедра меңгерушісінің қолы қойылған бұрыштамаға сәйкес тіркеу офисінің жетекшісі, оқу жұмысы жөніндегі проректор, жоғары оқу орынының ректоры білім алушының ауысуы туралы бұйрық шығарады;

Білім алушының университет ішінде бір мамандықтан басқа мамандыққа ауысуы ақылы негізде келесі рәсімге сәйкес іске асырылады:

1) білім алушы ректордың атына ауысу туралы өтініш жазады; өтінішке факультет деканының растауы, транскриптің көшірмесі қоса беріледі.

2) тіркеу офисі оқу-жұмыс жоспарының айырмашылығы мен оқу курсын анықтайды;

3) факультет деканы мен кафедра меңгерушісінің қолы қойылған бұрыштамаға сәйкес тіркеу офисінің жетекшісі, оқу жұмысы жөніндегі проректор, жоғары оқу орынының ректоры білім алушының бір мамандықтан басқа мамандыққа ауысуы туралы бұйрық шығарады.

Білім алушыны қайта қабылдау немесе ауыстыру кезінде айырмашылықтарды тапсыру мерзімі академиялық бір жыл жазгы семестр кезеңімен ұзартылады, білім алушы сол аралықта айырмашылықтары бар пәндерге жазылып, оқу ақысын төлеуі, оқу бағдарламасын игеруі және қорытынды бақылаудан өтуі керек.

Егер білім алушы қайта қабылдау немесе ауысу кезінде оқу-жұмыс жоспарының айырмашылығы белгіленген мерзімде тапсыра алмаса, онда осы айырмашылық академиялық қарыз болып белгіленеді және курстан курсқа көшірілгенде GPA анықталған кезде нөл болып жазылады.

Білім алушы шетелдік білім беру ұйымынан ауыстырылған және қайта қабылданған жағдайда игерілген оқу бағдарламалары жөніндегі және алдыңғы білім деңгейін аяқтағаны туралы құжат (академиялық анықтама, транскрипт) тапсырады. Сонымен қатар ҚР жалпы орта білім немесе техникалық және кәсіби білім алған. 60 баллдан кем емес ҰБТ немесе ТКТ сертификаттарын ұсынады.

Оқу ақысы келісілген негізде ҚР БжҒМ бекіткен (2016-2017 жж.) білім грантының мөлшеріне байланысты белгіленді. Ақылы түрде оқу бойынша ақы құны enu.kz ресми сайтынан «Талапкер» тарапшасынан көруге болады.

• 
  Төлеу мерзімі және тәсілі:
  

Білім алушылар үшін көптеген кинотеатрларда, мұражайларда және қоғамдық көліктерде жүруге жеңілдіктер бар.

Мемлекеттік білім гранты бойынша бірінші курсқа оқуға қабылданған барлық білім алушыларға бірінші семестрде мемлекеттік шәкіртақы тағайындалады.

Кейінгі оқу семестрлерінде мемлекеттік шәкіртақыны тағайындау және төлеу емтихандық сессия қорытындысыбойынша (білімді бақылаудың барлық үлгілерін қосқанда) білім алушыдаек «жақсы» («В+», «В», «В-») және «үздік» («А», «А-») бағалары болса ғана жүргізіледі.

Шәкіртақы ректор бұйрығы негізінде әр айдың алғашқы күнінен бастап жартыжылдық емтиханына дейінгі аралықта төленеді. Мемлекеттік шәкіртақы тағайындау кезінде білім алушының GPA көрсеткіші емес, тек бағалары ғана ескеріледі.

Барлық үлгерімді, мемлекеттік грант есебінде білім алатын (емтихан нәтижесі бойынша академиялық қарыздары жоқ) білім алушыларға мемлекеттік шәкіртақы беріледі.

Үкімет жарлығына сәйкес мемлекеттік шәкіртақы төленетін білім алушылар:

- көру және есту бойынша мүгедектерге – 75%;

- жетім және ата-анасынан қараусыз қалған балалар – 30%;

- емтихан бағасы бойынша тек «өте жақсы» көрсеткішін көрсеткен студенттер мен магистранттарға – 15% қоса төленеді.

Кәсіби (өндірістік) практика және жазғы демалыс кезінде шәкіртақы сақталады.

Академиялық демалыстан келген білім алушыларға мемлекеттік шәкіртақы белгіленген тізім бойынша келесі емтихан бағасына сай беріледі. Денсаулық жағдайына сәйкес келесі оқу жылына қалдырылған білім алушыларға келесі емтихан уақытына дейін төленеді.

Жүкті болу мен босануа байланысты демалыс уақытындағы білім алушыларға шәкіртақы қолданыстағы еңбек заңнамасымен белгіленген толық демалыс мерзімі ішінде академиялық демалысқа кеткенге дейінгі мөлшерде төленеді. Академиялық демалыс кезінде жүкті болуы себебінен уақытша еңбекке жарамсыздық туралы ортақ үлгідегі анықтама ұсынылған жағдайда, академиялық демалыс үзіліп, жүктілік мен босануа байланысты демалыс ресімделуі керек. Білім алушы 3 жасқа дейін бала күтімі бойынша академиялық демалыста болған кезде шәкіртақы тағайындалмайды.

Шәкіртақымен қамтамасыз ету әр білім алушының атына ашылған карта есепшотына аударылады.

Мемлекеттік шәкіртақы төлеу ҚР заңнамасында қарастырылған жағдайларда тоқтатылады.

Мемлекеттік шәкіртақыны төлеуді тоқтату Ректордың тиісті бұйрығын шығару арқылы жүзеге асырылады.

Басқа шәкіртақыларды тағайындау және төлеу тәртібі (Қазақстан Республикасы Президентінің шәкіртақысы, құрылтайшылар шәкіртақысы және т.б.) Қазақстан Республикасының заңнамасына және Л.Н. Гумилев атындағы Еуразия ұлттық университетінде білім алушыларға университеттің ішкі грантын, жеңілдіктер ұсыну және әлеуметтік көмек көрсету туралы ережеге сәйкес анықталады.

ҚР Білім және ғылым министрлігі бөлген Президенттік және атаулы шәкіртақылар саны факультеттер ішінде факультеттердегі студенттер мен магистранттар контингентіне байланысты бөлініп беріледі. Жекелеген факультеттерде Президенттік шәкіртақыны тағайындау туралы ережелерінің талаптарына сәйкес келетін студенттер мен магистранттар қатарынан үміткерлер болмаған жағдайда, бөлінбеген орындар университет басшылығының қосымша өкімі бойынша басқа факультеттерге беріледі.

Факультет декандары Президенттік және атаулы шәкіртақыларды тағайындау үшін білім алушылардың қатарынан алдын ала үміткерлерді іріктеуді ұйымдастырады, сонан соң олардың тізімін белгіленген мерзім ішінде Тіркеу офисіне ұсынады. Ұсынысқа келесі құжаттар қоса беріледі:

- білім алушының транскрипті;

- факультет кеңесі шешімінен көшірме.

Президенттік және атаулы шәкіртақыларды тағайындауға арналған үміткерлер тізімі Университеттің Ғылыми кеңесінде қарастыру және бекіту үшін ұсынылады.

Мемлекеттік тапсырыс бойынша (грантта) оқитындарға білім ұйымдарында оқитын кейбір санаттағы адамдарға мемлекеттік шәкіртақы төлеу (ҚР Білім және ғылым министрлігінің 17.02.2008ж. №116 бұйрығымен бекітілген) Ережесіне сәйкес ай сайын белгіленген мөлшерде (шәкіртақы мөлшері сол жылғы ҚР «Бюджет туралы» заңына сәйкес өзгертіліп отырылуы мүмкін) (5құж., 2-б., 5- т) мемлекеттік шәкіртақы белгіленеді.

Мемлекеттік оқыту гранты бойынша 1-курсқа қабылданған барлық білім алушыларға 1-семестрде мемлекеттік шәкіртақы беріледі.

Мемлекеттік тапсырыс бойынша оқитын білім алушыларға алдыңғы өткен семестрдегі емтихан сессиясының қорытындысы бойынша шәкіртақы төленеді. Басқа оқу орындарынан ауысқан, ЕҰУ-дің ішіндегі бір мамандықтан екінші мамандыққа ауысқан білім алушыларға мемлекеттік шәкіртақы жалпы негізде оқу бағдарламасындағы айырмашылықтарды жойғаннан кейін беріледі. Жазғы емтихан сессиясының қорытындысы бойынша жазғы демалыс кезеңіндегі екі айдың шәкіртақысы қосылып (шілде-тамыз), несиелердің ашылу мерзіміне қарай (яғни жоғары оқу орнының есеп шотына мемлекеттік бюджеттен қаржы түскеннен кейін) төленеді.

Азық-түлікпен қамтамасыз етуге сәйкес жетім және ата-анасынан қараусыз қалған балалар үшін арнайы ақшалай төлем төленеді.

Әлеуметтік орналасқан жеріне қарай студенттерге (анықтама деканатқа көрсетіледі) қоғамдық көлік бағасына сәйкес 50 % ақшалай төлем төленеді, толық ақпаратты Әлеуметтік жіне азаматтық даму Департаментінен білуге болады.

Студенттер, магистранттар үшін ғылыми жарыстар, конференциялар, семинарларға қатысу қаржыландырылады. ҚР заңнамасына сәйкес белгіленген жол ақысы, тәуліктік шығындар төленеді.

«Сенім» студенттер мен магистранттарға арналған кәсіподақтық ұйым қамтамасыз етілген, Бас ғимарат №107 кабинет.

Қажетті құжаттар тізімі:

1. Жеке куәліктің көшірмесі.

2. Деканаттан берілген анықтама (түпнұсқасы).

3. Отбасы құрамы туралы анықтама (түпнұсқасы немесе анасының жеке куәлігінің көшірмесі).

4. Әрбір отбасы мүшелеріне берілген анықтама (түпнұсқасы, егер ол мектепте немесе университетте оқыса)

5. Файл.

Әлеуметтік көмекті іске асырудың жоғарыдағы аспектілеріне қоса университетте жатаханада тұратын жетім балалар мен ата-ана қамқорлығынсыз қалған балалар қатарындағы білім алушылар жатақханаға төлемақы төлеуден босатылады, сондай-ақ 01.10.2010 ж. бұйрығына сәйкес (№767 бұйрық) оларға материалдық көмек беріледі.

• 
  Ақылы негізде білім алушы оқуын мемлекеттік білім беру грантында жалғастыру үшін жоғары оқу орнының ректоры атына өтініш жазады;
  
• 
  Конкурстық негізде жазылған өтінішті университет Ғылыми кеңесінің шешімімен қарастыра отырып, ағымдағы жылдың 5 тамызы және 15 қаңтарына дейін ҚР БжҒМ жолдайды. Білім алушының өтінішіне сынақ кітапшасынан көшірме немесе барлық оқу кезеңдеріндегі оқу үлгерімінің орташа ұпайы көрсетілген жоғары оқу орны басшысының қолы қойылған транскрипт, жеке куәлігінің, университеттен оқудан шығарылған білім грантын иеленушінің куәлігінің көшірмесі Ғылыми Кеңесі шешімімен бірге жолданады;
  
• 
  ҚР БжҒМ келіп түскен құжаттарды мамандықтар, оқу түрі, оқу мерзімі және оқуға түскен уақыты бойынша қарастырып, оңтайлы шешім қабылданса, білім грантын иелену туралы бұйрық шығарады;
  
• 
  Білім грантын иелену туралы қабылданған шешімге орай жоғары оқу орнының ректоры білім алушы білімін грантта жалғастыру туралы бұйрық шығарады.
  

• 
  Ақылы негізде білім алушы оқуын мемлекеттік грантта жалғастыру үшін жоғары оқу орнының ректоры атына мемлекеттік грант бөлінген жағдайда грантқа ауыстыруға өтініш жазады;
  
• 
  Жоғарғы білімнен кейінгі деңгейдегі қорытынды аттестациялауды ұйымдастыру бөлімі білім алушының өтініші мен құжаттарын, білім көрсеткішіне әсер ететін оқу үлгерімі қорытындысын және университеттің Ғылыми Кеңесіне жолданған мемлекеттік грантқа ауыстыру туралы деканаттың ұсыныс хатын қарастырады ;
  
• 
  Ұсынысты ескере отырып, университет Ғылыми Кеңесі мемлекеттік білім грантына ауыстыру туралы немесе ауыстырудан бас тарту туралы шешім қабылдайды.
  

Халықаралық «Болашақ» стипендиясы туралы келесі сайттан білулеріңізге болады: 8 (7172) 24 94 01, email: info@bolashak.gov.kz

1. 
   Білім алушылардың сыртқы академиялық ұтқырлығы келесідей қаржыландырылады:
   

• 
  ҚР Білім және ғылым министрлігі есебінен.
  
• 
  Халықаралық бағдарламалар есебінен.
  
• 
  Бағдарламаға қатысушы есебінен.
  

2. 
   Л.Н. Гумилев атындағы ЕҰУ білім алушыларының сыртқы академиялық ұтқырлығын жүзеге асырудың жалпы рәсімі:
   
   1. 
      Білім алушылар академиялық ұтқырлық бағдарламасына бірінші және соңғы семестрден басқа оқу мерзімінің кез келген уақытында қатыса алады.
      
   2. 
      Білім алушылар өз бетінше ЖОО-серіктесті, оқуға арналған пәндер тізімін таңдауға құқылы; бұдан кейін бітіруші кафедраға тапсырыс берілу керек.
      
   3. 
      Білім алушылар тапсырысы негізінде факультет деканы кафедра меңгерушісімен бірге шетелдік ЖОО-серіктестермен Ынтымақтастық туралы меморандум жасау мүмкіндігін қарастырып, Халықаралық ынтымақтастық департаментіне ұсыныс жазады.
      
   4. 
      Халықаралық ынтымақтастық департаменті ұсыныс негізінде университет, ЖОО-серіктес және білім алушы арасында Ынтымақтастық туралы үш жақты меморандум жасайды.
      

Білім беру туралы келісімге ЖОО-серіктес пен Университет қол қояды, бұдан кейін ЖОО-серіктес Шақыру жібереді.

2.6 ЖОО-серіктестің Шақыруы негізінде білім алушылар бітіруші кафедрамен бірге алдын ала салыстыру ведомосін жасап, оны Академиялық мәселелер департаментінің келісіміне жібереді.

Жеке оқу жоспарын тіркеу офисімен бірге бекіткеннен кейін білім алушылар қажетті құжаттарды ресімдейді.

2.7 Білім алушы ресімдеген құжаттар негізінде тіркеу офисі сыртқы академиялық ұтқырлық туралы бұйрық шығарады.

2.8 Қаржы департаменті аталған бұйрық негізінде шығындар сметасын жасап, қаражатты білім алушы шотына аударады.

2.9 Бұйрық көшірмесін алған соң білім алушы өз бетінше білім алатын мемлекеттің елшілігінде виза (қажет болған жағдайда) ресімдейді, медициналық сақтандыру алады.

2.10 ЖОО-серіктестегі оқу аяқталған соң білім алушылар университетке транскрипт пен аванстық есеп (республикалық бюджет қаражаты есебінен білім алған жағдайда) береді.

ҚР академиялық ұтқырлығы концепциясына сәйкес транскрипт негізінде ECTS үлгісі бойынша кредиттерді қайта санау жүргізіле

СТУДЕНТТЕР үйі
Жатақханада тұру ережесі

1. 
   Білім алушыларға Л.Н. Гумилев атындағы ЕҰУ Студенттер үйіне тұру құқығы оқу мезгілінде ұсынылады.
   
2. 
   Жатақханаға орналасу университет әкімшілігімен берілетін бұйрыққа сәйкес келісім-шарт бойынша жүргізіледі.
   
3. 
   Жатақханада тұру төлемақысы 1-оқу жылына толық төленеді. Төлемақы мөлшері бұйрыққа сәйкес белгіленеді.
   
4. 
   Жатақханаға тіркеуге алу белгіленген тәртіп бойынша жатақхана әкімшілігімен жүргізіледі. Тіркеуге алу төлемақысын жатақханаға тұрушылар төлейді.
   
5. 
   Жеке қолданысқа арналған жатақхана мүлкі, сонымен қатар ортақ қолданыстағы заттар акт бойынша беріледі. Бұл мүліктердің сақталуына жауапкершілік осы мүліктерді алған тұлғаға жүктеледі. Әрбір бөлмеде комендант, Студенттік кеңес және тұрғындар қол қойған акт болады.
   

7. Білім алушылар үйінде сағат 23.00-ден кейін толық тыныштық орнатылады, тек дәліздің ғана шамы жанып тұруы керек.

8. Өзін-өзі басқаруды жүзеге асыру мақсатында студенттер және Үйлестіру кеңестері сайланады.

9. Әр қабаттың старостасы сайланады.

Староста жатақхана тұрғындарынан:

а) ішкі тәртіп ережелерін нақты орындауды;

ә) бөлмелердегі мүлікті сақтауды;

б) бөлмелерде тазалық сақтауды;

в) әкімшіліктің барлық шарттарын орындауды.

г) Білім алушылар үйінің қоғамдық өміріне араласуды талап етеді.

10. Оқу жылының соңында білім алушының жатақханада қалай тұрғандығының қорытындысы бойынша комиссия мәжілісі өткізіледі. Комиссия білім алушының барлық тәртіп бұзушылықтарын, қоғамдық жұмысқа қатысуын, студенттер кеңесіндегі жұмыстарын, шығармашылық жобаларды жүзеге асыруын ескереді. Комиссия мәжілісіне барлық білім алушының қатысуы міндетті. Комиссия нәтижесі бойынша жоғарғы курс білім студенттерінің жатақханаға орналасу тізімі жасалады.
Жатақхана тұрғындарының міндеттері:

Жатақханада тұрушылардың негізгі міндеттері:

а) ішкі тәртіп ережелерін қатаң сақтау;

ә) жатақханадағы заттарды сақтауға, ағаш, шөптесін өсімдіктерге ұқыпты қарап, Студенттер үйінің бөлмелерін және айналасын шашпау;

б) бөлмелерде тазалық және тәртіп сақтауға, өзіне-өзі қызмет етуге байланысты барлық қоғамдық жұмыстарға және іс-шараларға қатысу;

в) ортақ қолданыстағы орындарда тазалық сақтауға және қадағалау;

г) бөлмеден шығар кезде жарықты сөндіріп, есік-терезелерді жауып жүру;

ғ) сынған, бұзылған электр, сантехника құралдарын өз қаражатына жөндету;

д) бөлмелерде қуат көздерін үнемдейтін шамдар орнату;

е) жатақханадан кетерде, сондай-ақ уақытша демалысқа немесе өндірістік тәжірибеге кетерден екі күн бұрын жатақхананың комендантына ескерту;

ж) электр құралдарын пайдалану және техника қауіпсіздігі ережелерін сақтау;

з) жылына екі жобаны жүзеге асыру ;

и) барлық шаралар мен сенбіліктерге қатысу.
Жатақхана тұрғындарына тыйым салынады:

а) спирттік ішімдіктер ішуге және мас күйінде жатақханада жүруге;

ә) жатақхана ішінде және аумағында темекі шегуге және сағыз шайнауға;

б) электр сымдарын жөндеуге және өзгертуге, электр шамдарын ауыстыруға және қосымша жарық көздерін пайдалануға;

в) қабырғаға хабарландыру, сабақ кестесін, фотосуреттерді, т.б. жапсыруға;

г) қабырғаға шеге қағуға;

ғ) бөлмеде қатты ән салуға, репродуктор, радиоқабылдағыш, магнитофон дауысын көтеруге;

д) электрлі жылу көздерін қолдануға;

е) бөгде кісілерді бөлмеде түнеуге қалдыруға.

Жатақханада тұратындар ішкі тәртіп ережесін бұзған жағдайда мынадай шаралар қолданылады:

1) ескерту;

2) сөгіс;

3) қатаң сөгіс;

4) ЕҰУ-дан шығару.

Университеттің білім алушыларына ғылыми кітапхананың 4 абонементі, 7 оқу залы және «Отырар» ғылыми орталығы қызмет көрсетеді.

Оқу залдары оқу-зертханалық ғимараттың 4-қабатында орналасқан:

Филология оқу залы (әдебиеттану, тіл білімі, көркем әдеби басылымдар) – 402 каб.;

Әмбебап оқу залы (жаратылыстану ғылымдары, техника, Қазақстан тарихы) – 404 каб.;

Әлеуметтік-экономикалық оқу залы (экономика, бүкіләлемдік тарих, заң ғылымдары, т.б. басылымдар) – 405 каб.;

Мерзімді басылымдар залы (отандық және шетелдік газеттер мен журналдар) – 412 каб.;

Ақпараттық-библиографиялық бөлімі (диссертациялар мен авторефераттар, анықтамалық басылымдар) – 413 каб.;

Ғылыми кітапханада «Отырар» ғылыми орталығы орналасқан. Орталық мемориалдық қорлардың коллекцияларын пайдалануға мүмкідік береді:

Сирек кітаптар мен қолжазбалар қоры (201 каб.);

Академик Әлкей Марғұланның мұрағат кітапханасы (202 каб.);

Ақселеу Сейдімбек атындағы ғылым залы (204 каб.);

Академик Кемел Ақышевтың мұражай кабинеті (102 каб.);

Академиктер Серік Қирабаев пен Әлия Бейсенованың мұражай кабинеті (302 каб.)
Кітапхананы пайдалану ережелері
1.Л.Н.Гумилев атындағы ЕҰУ-дың қызметкерлері мен студенттері кітапхананың ресурстары мен қызметтерін тегін пайдалана алады.

2.Оқу абонементінде әдебиеттерді беру электронды кезек тәртібі арқылы ұйымдастырылады және оқулықтар бір семестрге беріледі.

3.Ғылыми әдебиеттер, көркем әдебиеттер, шет тіліндегі әдебиеттер абонементінен алынатын басылымдар бір айға беріледі және егер басылымға басқа оқырмандар тарапынан сұраныс болмаса пайдалану мерзімі оқырманның қатысуымен ұзартылады.

4.Кітапхананың кітаптары мен басқа да басылымдарын бүлдірген және жоғалтқан жағдайда оқырман нақты осындай басылыммен ауыстырады немесе соңғы жылы шыққан оқу процесіне қажетті басылыммен орнын толтырады.

5.Оқу залдарының қоры ашық қолжетімді болғандықтан папкамен, сөмкемен, пакетпен және сыртқы киіммен кіруге болмайды.

6. Оқу залының қорынан басылымдар үйге берілмейді.

7.Кітапхананың электрондық ресурстарын және интернет жүйесін пайдалану тегін.

КІТАПХАНАНЫҢ ЖҰМЫС КЕСТЕСІ
Абонементтер:

09.00 - 19.00

Сенбі: 09.00 - 17.00

Оқу залдары:

09.00 - 20.00

Сенбі: 09.00 – 17.00

Жексенбі – демалыс

Кітапхананың мекен-жайы:

Л.Н. Гумилев атындағы ЕҰУ ғылыми кітапханасы

Жастар саясаты орталығы (ЖСО) студенттердің бос уақыттарын ұйымдастыру мен олардың басын қосады. Ұйымның басты мақсаты студенттерді әлеуметтік дамыту, дербестікке үйрету, студенттерді қоғамдық өмірге білікті және белсенді түрде ат салысуына дайындау, университеттің басқару органдарына көмектесуге бағыттайды.

Студенттердің өмірі әр түрлі және қызықты.

Еуразия Ұлттық Университетінде жастардың бойындағы дарынды ашу және шығармашылық қабілеттерін дамыту үшін барлық жағдай жасалынған.

Өзін-өзі жетілдіру және жан-жақты дамыту үшін студенттерге әлеуметтік және азаматтық даму Департаменті жанында «E-STUDIO» Продюсерлік орталығы жұмыс істейді ( Астана қ., Сатпаев к. 2, ЕҰУ Бас ғимараты, 100 каб., e-mail: dsgr@enu.kz).

Егер сіз шығармашылық тұлға болсаңыз және жақсы көретін ісіңізбен айналысқыңыз келсе «E-STUDIO» Продюсерлік орталығы сізді күтеді!

Продюсерлік орталықтың басшысы және студия ұйымдастырушылары әртүрлі шығармашылық ұйымдарда жұмыс жасағысы келетіндерге кастинг өткізеді. Продюсерлік орталықтың барлық мүшелеріне арнайы студиялық карточка беріледі. Орталықтың басты мақсаты – студенттердің шығармашылық қабілеттерін дамыту, шығармашылық ұйымдарды құру, музыка тарихын насихаттау, ұйымдық іс-шаралардың сапасын жақсарту, өз елінің нағыз патриоттарын тәрбиелеу.

Әр оқу жылының басында Л.Н.Гумилев атындағы ЕҰУ-да ЖОО-ның жаңа дарындарын анықтауға кастинг өткізеді, онда студенттер өз қабілеттерін көрсетеді. Кастинг нәтижелері бойынша шығармашылық ұйымдарға іріктеу өткізіледі.

«E-STUDIO» Продюсерлік орталығы – бұл:

• 
  Ұлттық аспаптар көмегімен фольклорлық өнерді дамыту және танымал, жаңа шығармаларды орындау;
  
• 
  Студенттер арасында вокальды-аспаптық ансамбльді құру және дамыту;
  
• 
  Көңілділер мен Тапқырлар Клубы;
  
• 
  Вокальдық өнер (жас әншілер тобын құру және біліктілігін жоғарылатуға көмектесу);
  
• 
  Хореографиялық өнер (бишілер ансамбльін құру, ұлттық және заманауи билер қойылымы);
  
• 
  Ақындық дарындары бар студенттерді қолдау;
  
• 
  Театр өнері ( театрлық көріністер қойылымы, әртістік өнерін зерттеу);
  
• 
  Университетте жүргізушілерді дайындау, сценаристер тобын құру.
  

«E-STUDIO» Продюсерлік орталығының мүшелері университет мәртебесін қалалық, республикалық және халықаралық деңгейдегі сайысатарда қорғап, бас жүлделер иеленген, олардың қатарында:

• 
  «Би әлемі» халықаралық сайысы, Испания, Коста Браво, 2014 жыл;
  
• 
  «Univision» халықаралық музыкалық сайысы, Азербайджан, Баку, 2013 жыл;
  
• 
  Республикалық әуесқой және студенттік театрлар фестивалі, Павлодар қаласы, 2014 жыл;
  
• 
  «Жұлдыз достарын шақырады» республикалық жас вокалистер мен инструментте ойнаушылар сайысы, Көкшетау қаласы, 2013 жыл;
  
• 
  X Ұлттық жастар Дельфий ойындары, Орал қаласы
  

• 
  «Еуразия арулары» қыздар лигасы;
  
• 
  Вокалистер студиясы;
  
• 
  «Самұрық» би мектебі;
  
• 
  «Шаңырақ» қазақ студенттер театры;
  
• 
  «Аттракцион» орыс театры;
  
• 
  «Дала сазы» ұлттық инструменттер оркестрі;
  
• 
  Қазақ және орыс тіліндегі КТК топтары;