Білім беру бағдарламасы МҰҒалімге арналған нұСҚаулық Баспаға «Назарбаев Зияткерлік мектептері» дббұ Педагогикалық шеберлік орталығының

Критериалды бағалау келесі қағидаттарға негізделеді:

Шынайылық (объективтілік), анықтық және валидтілік жиынтығы бағалаудың сапасын анықтайды.

Шынайылыққа «өте жақсы», «жақсы», «қанағаттанарлық» немесе «қанағатанарлықсыз» бағалануы мүмкін жұмыстың деңгейін көрсететін нақты бағалау критерийлерін мұқият әзірлеу арқылы қол жеткізіледі.

Бағалаудың шынайылығын қамтамасыз ету үшін мұғалім келесі сұрақтарға жауап беруі қажет:

1. Өте жақсы және жақсы, қанағаттанарлық және қанағаттанарлықсыз жұмыстардың бағалау критерийлері қандай болады?

2. Анықталған бағалау критерийлері оқушыларға түсінікті ме?

3. Бағалау критерийлері анық және бірмәнді ме?

Оқушылар бағалауда қарастырылатын тақырыптар мен сұрақтарға ерекше көңіл бөледі, сондықтан бағаланатын оқу мақсаттарын іріктеуге айрықша мән берген жөн.

Бағалау үшін оқу мақсаттарын іріктеу кезінде келесі сұрақтарды ескерген жөн:

1. Қандай оқу мақсаттарын бағалау маңызды болып табылады?

2. Осы білім, білік-дағдылар, құндылықтар оқушыға пайдалы ма? Оларды оқушылар өмірде қолдана ма?

Валидтілік бағалаудың мазмұнды сипаттамасы болып табылады, ол бағалауды қаншалықты дұрыс өткізетінімізді және нақты нені өлшейтінімізді көрсетеді. Бұл қағидатты жүзеге асыру нені бағалау қажеттігін нақты түсіну және анықтауды; бағалау критерийлерін құрастыру және негіздеуді; тапсырмаларды құрастыру және бағалау процедураларын жоспарлауды қарастырады.

Күтілетін нәтижеге жету үшін бағалау әдісінің дұрыс таңдалғанына қалай көз жеткізуге болады?

Ол үшін оқушының қажетті білім, білік-дағдылар мен құндылықтарды меңгергенін анық көрсететін бағалау құралын, яғни бағалауға арналған тапсырманы немесе жаттығуды таңдау қажет.

Бұл тұста, профессор Дайана Хесстің «Өзің үйретпеген нәрсені бағалау – әділетсіздік» деген сөзінің маңыздылығын атап көрсетуге болады.