Байланысты: Қаз. тар және ҚН Мұғалімге арналған нұсқаулық (1)
Көрнекілік әдісі . «Қазақстан тарихы» және «Құқық негіздері» пәндерін оқытуда
көрнекілік әдісін тиімді қолдануға болады. Көрнекілік әдісі оқытудың сөздік және
тәжірибелік әдістерімен өзара байланыста қолданылады және құбылыстармен,
объектілермен оқушыларды таныстырғанда олардың сезім мүшелеріне әсер етіп, алуан
түрлі сурет, көшірме, сызба арқылы құбылыс, үдеріс, нысандардың символдық бейнелерін
немесе оларды табиғи күйінде қабылдайды және оқушылардың сабаққа деген ынтасын
арттырып, түсіндірілген материалдарды саналы түрде меңгеруіне ықпалын тигізеді.
«Қазақстан тарихы» және «Құқық негіздері» пәндерін оқытуда қолданылатын көрнекілік
әдісіне карталармен, құжаттармен және басқа да көрнекі құралдармен жұмыс жүргізуді
жатқызуға болады. Оқу үдерісінде қолданылатын көрнекілік әдістері екі түрге бөлінеді:
көрсетілім әдісі (демонстрация) және иллюстрация әдісі.
