3
|
Үйде және көшедегі қауіпсіздік
|
«Н» дыбысымен және әріпімен таныстыру
|
«н»дыбысын дұрыс дыбыстату,«н»әрпімен таныстыру,буындарды оқу дағдысын дамы- ту,балаларды мейірімділікке,имандылыққа тәрбиелеу.
|
1
|
Ұйымдастыру кезеңі
Педагог балалардың назарын өзіне аударады.
– Қолымызды иектің астына қойып сөздер айтайық, қолымыз төмен қарай неше рет түссе, сонша буынға бөлінгені. Мысалы: А-та, а-па, ә-теш, тек-ше-лер, ше-міш-ке.
Балалар, сендер қолдарыңды иектің астына қойып сөздер айтып, буын санын анықтадыңдар.
Негізгі бөлім
Енді тақтадағы
суретке қараңдар, ненің суретін көріп отырсыңдар? (Нан).
– Ендеше «нан» деп бірнеше рет қайталайық.
– Бірінші қандай дыбыс құлағымызға естіліп тұр?
– Дұрыс айтасыңдар, бүгінгі өтетін жаңа дыбысымыз – «Н».
Нанның пайдасы айтылып, «обал», «сауап» сөздеріне түсінік беріледі.
Тыйым сөздер:
Нанды бір қолмен үзбе! Нан уағын тастама!
Жұмбақ шешу:
Өзі үлкен жануар,
Үстінде бір тауы бар.
Шешуі: нар.
Сергіту сәті:
Нан уағын шашпаңдар,
Жерде жатса баспаңдар.
Теріп алып, қастерлеп,
Торғайларға тастаңдар.
«А-на», «нан» сөздерін салыстыра айтқызу арқылы буынға бөлгізіп, «нан» сөзінің буынға бөлінбейтінін түсіндіреді.
Жұмыс дәптермен жұмыс: дәптердегі № 7 тапсырма орындалады. Көмек керек балаларға педагог көмектеседі.
Рефлексия.
Педагог қорытынды жасайды.
– Балалар, үйде, мейлі көпшілік арасында болсын, нан қоқымын көргенде басуға болмайды екен. Осыны өздеріңнің іні-қарындастарыңа да үйретулерің керек.
|
