Білім беру саласы: Таным Оқу іс-әрекеті: Экология негіздері Тақырыбы

2. Көргендерін суреттеп беруге дағдыландыру арқылы сөйлем құрап айта білуге бейімдеу.

3. Табиғаттың сұлулығын түсініп, табиғат аясындағы қарапайым мінез-құлық ержелерін сақтап, табиғатқа қамқор болуға тәрбиелеу.

Әдіс-тәсілдері: бақылау, көрсету, түсіндіру, сұрақ-жауап, әңгімелесу, еңбек іс-әрекеті.

Көрнекіліктер: күз мезгілінің суреті, үлестірмелі материалдар.

Әрекеттердің кезеңдері	Педагогтің іс-әрекеті	Балалардың іс-әрекеті
Ұйымдастыру-шылық-қозғаушылық	Балалар шаттық шеңберін құрып, бір-бірімен қол ұстасып: «Сәлем», - дейміз, - алтын Күн, «Сәлем», - дейміз, - Жер-ана. «Сәлем», - дейміз баршаңа, - деп, бір-біріне тілектерін айтады.	Балалар әуеннің ырғағымен тербеледі. Балалар қайталайды.
Ұйымдастыру-шылық -ізденістік	Балалар ақындардың күз мезгілі туралы өлең оқылады. Әңгіме жүргізу. Балаларға өлеңнің мазмұнын түсіндіру. Сұрақтар: Балалар, өлеңде қандай сөздерді кездестірдіңдер? Балалар қазір жылдың қай мезгілі? Күз мезгілінде табиғат қандай өзгерістерге ұшырайды? Күзде жаз мезгіліндей күн ыстық болмайды, күн суытады, жаңбыр жауады, жапырақтар сарғайып жерге түсіп, құстар жылы жаққа ұша бастайды. Адамдар жылы киінеді. Суретпен жұмыс. Күз мезгілінің ерекшеліктері бейнеленген сурет бойынша балаларға сұрақтар қою. Балалар күзде жапырақтардың түсі қандай болады? Күзде балабақша ауласындағы жапырақтар, гүлдер қандай күйде болады? Құстар қай жаққа ұшып барады? Сергіту сәті: Тербеледі ағаштар, Алдымнан жел еседі. Кіп-кішкентай ағаштар, Біп-биік боп өседі. Ойын: «Көкөніс пен жемістер». Шарты: балалар көкөніс пен жеміс аттарын жаңылмай айтып шығуы тиіс. Үлестірмелі материалмен жұмыс. Күзгі ағаш жапырақтарын ретімен қалай жапсыру керектігін түсіндіреді.	Балалар қайталап айтады. Балалар педагогтің көмегімен жауап береді. Алтын күз, күз мезгілі және т.б сөздерді айтуы мүмкін. Балалар тақтадағы күз мезгілінің суретіне қарап, педагогтің көмегімен әңгімелейді. Балалар бір-бірінің жауаптарын толықтырады. Балалар сұрақтарға педагогтің көмегімен жауап беруге тырысады. Жапырақтар сарғайады. Гүлдер солады. Адамдар жерге түскен жапырақтарды жинайды. Өлең жолдарын қайталап, мазмұнына қарай қимыл-қозғалыс жасайды. Балалар ұжым болып бірігіп ойнайды. Балалар тапсырманы педагогтің көмегімен орындайды.
Рефлекциялық- түзетушілік	Сабақ соңында серуенге шыққанда күз мезгіліндегі ағаштарды бақылатып, күзгі еңбек туралы әңгімелейді.	Балалар қайталап айтады.

Күтілетін нәтиже:

Күз мезгілінің ерекшелігін – күннің суытып, жапырақтардың сарғайып түсетінін біледі;