Біздің балалар ұйымымыз 2002 жылы №3 жбб орта мектепте Талғат Амангелдіұлы Мұсабаев атындағы пионер дружинасы құрылды. Дружина ұраны :«Отан үшін, ізгілік және әділет үшін!»

«Балдырған» балалар тобына 9-11 жастағы оқушылар кіреді. Белгісі – «Алтын дән». Бұл бірліктің, достықтың, үміт пен ертеңгі күнге және өз мүмкіндіктеріне сенімділіктің белгісі. Балдырғандықтар көп еңбектенетін, жұмыстанатын, адамдарға, қоршаған ортаға қуаныш сыйлауға дайын, алдына қойған мақсатқа жететіне сенетін адамдар ғана бақытты бола алатынын біледі.

«Жасұлан» балалар тобына 12-14 жастағы балалар кіреді. «Жасұлан» - «Балдырған» бағдарламасын жетік меңгерген , жаңалыққа үйренуге, өзін-өзі жетілдіруге, өз тәжірибесімен бөлісуге дайын балалардың пионерлік өмірінің бағдарламасы. Бұл топ белгісі – алтын шұғыла. Бұл белгі адамдарды түрлі түсті нұрмен көркейтеді.

Пионер ұйымының жұмысы жанжақтылығымен ерекшеленеді. Бұл – мейрам, митинг, ойын, экскурсия және т.б. Әрбіреуі өздігінше қызықты және тәрбиелік мәні мол шаралар.

Біздің дружинаның топтық жұмысының негізгі түрі – жиын.

Жиын - өзін-өзі басқарудың жоғары органы. Жиында дружинаның барлық маңызды істері шешіледі: міндеттер мен жоспарлар бекітіледі, белсенділер іріктеліп, олардың есептері тыңдалады, пионерге қабылдау өткізіледі. Жиындар аптасына 1 рет 30-40 минут ішінде, кейде салтанатты түрде өткізіледі.

Салтанатты жиындар – 1- сынып оқушыларының «Балдырған» қатарына, 5- сынып оқушыларының «Жасұлан» қатарына қабылдау және мерейтойлар өткізу рәсімдері.

Жай жиындар – күнделікті мәселелерге байланысты апта сайын өтетін жиындар, есеп-сайлау, қорытынды жиындар.