Болашақ – латын әліпбиінде

Рухы мықты мемлекет қана тәуелсіздігін баянды етпек. Ұлт ұғымының тұғыры - мәдениет. Ұлттық рухани- мәдени жаңғыруымыздан бастап, бәсекеге қабілеттілік,прагматизм, ұлттық бірегейлікті сақтау, еліміздің эволюциялық дамуы, сананың ашықтығы мәселесі және салт-дәстүрімізді, ұлт зиялыларын дәріптеуге дейінгі көңілге қонымды ойлар нақты көрініс тапқан.

«Латыншаға көшудің терең логикасы бар. Бұл қазіргі заманғы технологиялық ортаның, коммуникацияның, сондай-ақ, XXI ғасырдағы ғылыми және білім беру процесінің ерекшеліктеріне байланысты», депте

Нұрсұлтан Назарбаев атап көрсетті.

Бүгінгі компьютер заманында интернет жүйесінде үстемдік ететін латын әліпбиі екендігін мойындауымыз керек. Бұл әліпби бізге тансық емес. Латын әріпіне көшкен уақытта оның іске асуында көп қиыншылық болады деуге негіз жоқ. Өйткені бүгінгі таңда, әсіресе жастар ағылшын тілін білгендіктен, қиналмай оқи да, жаза да біледі. Тіпті қазіргі интернетте, әлеуметтік желілерде олар латын әріптерімен жазыпта жүр.

Латын алфавитіне аудару қазіргі интернетті технология дәуірінде қиын емес.Ал латын алфавиті кез-келген алфавит емес, маңдайалды, осы заманның, интернет дәуірінің прогрессивті, №1 алфавиті.

Өзім басшылық жасап отырған «Қостанай қаласы әкімдігінің мәдениет және тілдерді дамыту бөлімінің орталықтандырылған кітапханалар жүйесі» мемлекеттік мекемесінде,қоғамдық сананы жаңғырту бағдарламасын іске асыру жөнінде төрт жобаны жоспарладық:

1. 
   Мемлекеттік тілден латын әліпбиіне көшу;
   
2. 
   Туған жер;
   
3. 
   «Қазақстандағы 100 жаңа есім»;
   
4. 
   «Жаһандағы заманауи қазақстандық мәдениет»;
   

Анық бір мәселе бар – Қазақ елі бүгін бе, ертең бе міндетті түрде латын әліпбиіне көшері сөзсіз. Біздің мақсатымыз айқын, бағытымыз белгілі, ол- әлемдегі ең дамыған 30 елдің қатарына қосылу. Бұл саяси және экономикалық жаңғыруларды толықтырып қана қоймай, олардың өзегіне айналады.