Қорғауға ұсынылатын негізгі қағидалар: эндемдік
R.iliensis өсімдігінің статусы оның таралу аймағының шектеулілігімен және
экологиялық-ценотикалық ерекшеліктерімен тікелей байланысты. Ол түптеп
келгенде
R.iliensis өсімдігінің популяцияларының қазіргі кездегі жағдайына
ғылыми тұрғыдан баға беруді қажет етеді. Бұл сұрақтың шешімін табу үшін
мына төмендегідей қағидалар қорғауға ұсынылады:
1.
Іле және Шарын өзендерінің жайылмаларынан табылған, таралу
аймағы шектеулі, эндемдік
R.iliensis өсімдігінің популяцияларына
жүргізілген геоботаникалық зерттеулердің нәтижелері;
2.
Іле және Шарын өзендерінің жайылмаларынан табылған, таралу
аймағы шектеулі, эндемдік
R.iliensis кездесетін өсімдіктер қауымдастығының
флорасына жүргізілген талдаулардың нәтижелері;
3.
Зерттеуге алынған популяциялардағы
R.iliensis өсімдігінің
вегетативтік мүшелеріне (жапырағына, сабағына, тамырына) жүргізілген
морфо-анатомиялық зерттеулердің нәтижелері;
4.
R.iliensis өсімдігінің популяцияларының топырағына жүргізілген
зерттеулердің нәтижелері;
5.
R.iliensis өсімдігін интродукцияға ендіру жұмыстарының
нәтижелері;
6.
R.iliensis өсімдігінің жапырағына, гүліне, жемісіне және
тұқымына жүргізілген фитохимиялық зерттеулердің нәтижелері.
Қорғауға ұсынылатын ғылыми зерттеу жұмысының нәтижелерінің орындалуына қосқан диссертанттың жеке үлесі: Жұмыстың авторы зерттеу нысанын және концепциясын таңдауда,
жұмыстың мақсатын анықтап, зерттеу міндеттерін қоюға үлкен
жауапкершілікпен қарап, біліктілік танытты. Сонымен қатар
R.iliensis өсімдігін далалық жағдайда зерттеуге қатысты экспедициялар ұйымдастыра
білді, зертханалық жағдайда жүргізілген тәжірибелік жұмыстарды
жоспарлауда, алынған мәліметтерді жинақтап, өңдеп-талдауға өз үлесін
қосты.
