| 1.10.4 Тюрин мен Козменко жіктеуі (классификациясы). И.В.Тюрин (1946) орманның су күзету–қорғаныш ролiн анықтағанда орман өсiмдiктері аймағын, жер бедерiн, топырақ жағдайын, сүрекдiң сипатын және ормандылық деңгейiн ескердi. Ол су күзету рөлiнiң көрiнiс табу дәрежесi бойынша орман аудандарын төрт класқа (сыныпқа) бөлдi және оның әрқайсысы үшiн басты мақсатқа пайдалану кесулерi мен басқа орман шаруашылығы шараларының нормаларын белгiледi.
I класс, су күзету және қорғаныш рөлi көрiнiс табуының ең жоғарғы дәрежесi. Оған мыналар жатады:
а) эрозияға қарсы орман жолақтары;
б) топырақ ылғалдаушы орман жолақтары;
в) топырақ қорғаушы орман жолақтары;
г) орманды дала және далалы өңiрлердегi егіс қорғайтын орман жолақтары кiредi.
II класс, жоғарғы дәреже:
а) эрозияға қарсы орман жолақтары;
б) топырақ ылғалдаушы орман жолақтары;
в) топырақ қорғаушы орман жолақтары жатады.
III класс, ортаңғы дәреже. Су реттеу маңыздылығы бар ормандар жатады.
IV класс, төменгі дәреже. Ойпаң жазықтарда және жоғары пайызды ормандылығы бар аңғарларда орналасқан iрi орман алқаптары (қылқан жапырақты ормандар өңiрi) енгізіледі. А.С.Козменко (1947) – су және жел реттегiш санаттарды белгiледi.
Достарыңызбен бөлісу: | 
