Қыз жарыс С. М. Буденныйдың ұсынысы бойынша 1958 жылы Москвада өткізілді. Жарысқа барлық республикалардың өкілдері қатысты. Алматы облысындағы С. М Киров атындағы мектептің 8 класс оқушысы Р. Әбілахатоваға Бирюза атты таза қанды атпен шауып, 1-ші орынға шығып, үлкен алтын медаль алды. Содан бері қыз жарысы барлық ат спорты жарыстарында өткізіліп тұрады.
Жарысқа 16-ға толған және одан асқан, атқа жақсы шабатын қыз балалар қатыстырылады. Ат 3 жаста және одан жоғары болуы тиіс.Жарыс тегіс жерде, айналым бойынша. Жұмсақ тура жолда немесе ипподромда өткізіледі.
Жарысты өткізу тәртібі мен шарттары ерлер арасында өткізілетін жарыстай. Спортшылар ұлттық киім киюлері тиіс.
Жеңімпаздарды анықтау. Жарысқа қатысушылар алған орындарына сай келетін, яғни 1-ші орын-1, 2-ші орын-2, 3-ші орын -3 т.с.с. есептік ұпай алады.
Жарысқа адам шығармаған командаға соңғы орын және 2 айып ұпай беріледі. Егер жарысқа бірнеше топ қатысқан болса, орын уақытқа қарай беріліп отырады.
