«Туған күндер» шабуылы (Birthday attack). Математикалық статистикада стандартты «туған күндер» парадоксы белгілі. Егер бөлмеде 23 адам болса, онда олардың ішінде туған күні бірдей екі адамның табылуы ықтималдығы 50 % артық. «Туған күндер» шабуылы мәндері бірдей элементтерді табуға негізделген. Мұндай элементтер «коллизия» деп аталады. Әр элемент N мән қабылдай алсын. Алғашқы коллизияны сіз шамамен √ N кездейсоқ мәндерді қарастырғаннан кейін күтуіңізге болады. Расында, егер N мүмкін элементтің ішінен m элемент таңдалса, олар m(m-1)/2 жұп құрайды. Коллизия табу ықтималдығы m(m-1)/2N санына жақын. m≈√N деп таңдасақ бұл ықтималдық шамамен 50% құрайтынын көреміз.
