Әдеби кеш Абай әндері мен күйлері
жүктеу/скачать 84,48 Kb.
|
- Бұл бет үшін навигация:
- Көрнекілікте
- Көрерменге қояр сауалдарымыз бар. Кезекте сұрақ-жауап.
- Оқитындар: 10 б сынып оқушылары Агатанова Алина, Гүлзат 2-ж.
| Әдеби кеш
Абай әндері мен күйлері 10 а-сынып Мақсаты– Ұлы ақынның өнегелі өмірімен таныстыру, ақынның даналығын, рухани асыл мұраларын насихаттап, өлеңдерін, әндерін мәнерлеп айтқызу. Көркем сөйлеуге , өз бетімен іздене білуге , шығармашылықпен жұмыс істеуге көмектесу. Көрнекіліктер: Абай портреті, эпиграф жазылған плакаттар, кітап көрмесі, слайд, бейнероликтер. 1-жүргізуші: Көп адам дүниеге бой алдырған, Бой алдырып, аяғын көп шалдырған, Өлді деуге бола ма, ойлаңдаршы, Өлмейтұғын артына сөз қалдырған, - деп төрелігін өзі шешкен Абай бүгін жарқын бейнесімен де, жалынды жырымен де бізбен бірге 170 жыл бойы өмір сүріп келеді, мәңгі өмір сүре бермек! 2 - жүргізуші – Құрметті әдебиет сүйер қауым! Қазақтың біртуар ұлдарының бірі, данышпан ақын, ойшыл, дана ғұламаларының бірі, қазақ әдебиетінің шоқтығы биік ірі тұлғасы Абай Құнанбайұлының шығармашылығына арналған “ Абайдың әндері мен күйлері ”атты әдеби-сазды кешімізге қош келдіңіздер! 1-ж. Шам-шырағы қазақтың –ұлы Абай, Бағдарымсың бет түзер Құбыладай! Ана тілдің арқасы, ұғып келем, Желілерін ойыңның үзіп алмай. 2-ж.Талант таудың ұшпағы -ұлы Абай, Таңдан, әлем, қазақтың ұлы қандай! Әр тасыңнан бастау-ап, өлең-бұлақ, Сыбдыр қаққан балбөбек тілі балдай. 1-ж. Қазақтың рухани кемеңгері,ойшылы,білім мен бостандық жолындағы қажымас күрескері - Абай бұл күндері бүкіл адамзатқа ортақ тұлғаға айналып отыр. 2-ж. «Қазақтың бас ақыны -Абай Құнанбаев.Онан асқан бұрынғы-соңғы заманда қазақ баласында біз білетін ақын болған...» , - деп жазған Ахаң. 1-ж. Ұлы Абай 1845жылы Шығыс Қазақстан облысы, Абай ауданына қарасты Шыңғыстау бауырындағы Қасқабұлақ деген жерде дүниеге келген 2-ж.Абайдың арғы атасы- Ырғызбай да, атасы- Өскенбай да өз кезінің атақты адамдары,Тобықты руының билеушілері болған. 1-ж Жас шағында Абай тәрбиені жұмсақ мінезді, мейірімді шешесі Ұлжан мен кәрі әжесі Зереден алады. Ол жас кезінен өлең-жыр, әңгімеге әуес болып, әжесі мен анасы айтқан ертегі-аңыздарды құмартып тыңдап өседі. 2-ж. Абай атқа мініп жүруге жарағанымен, үйден көп шықпайды. Өзге баладан гөрі басқа бір ермек, бір бөлек бір дос тапты.Онысы әсіресе әжесі,одан қала берсе, шешесі. Абай ауыра бастағанда бір күні кешке ұйықтай алмай жатып, әжесінен әңгіме айтуды сұраған еді. Ойланып отырған әжесі: -Е,е бұлдыр-бұлдыр күн өткен бұрынғыда кім өткен деп ертегіні бастаған екен. 1-ж. Абай соны ұғып , келесі жолы әңгіме сұрағанда әжесінің тізесінен ақырын қағып,: -Е,е .... бұлдыр-бұлдыр күн өткен, бұрынғыдан кім өткен?-деп әңгіме тыңдағысы келгенін білдіруші еді. 1-ж. Абай өзінің алғыр, дарындылығының арқасында,кітапты көп оқып өз бетінше көп ізденеді. Соның нәтижесінде шығыстың классик ақындары Низами,Сағди, Хафиз,Науаи,Физули шығармаларын қызыға оқиды. Басқа да әдеби мұралармен,қисса, дастан, ертегілермен осы кезде танысады. 2-ж.Зерек Абай медресе бағдарламасындағы діни біліммен ғана шектеліп қалмай, араб,парсы,түрік тілдерін игеру нәтижесінде шығыс классиктерінің шығармаларын оқып үйренеді. 1-ж .Әйгілі жазушы Мұхтар Омарханұлы Әуезовтің «Абай»драмасынан үзінді тамашалаңыздар 1-ж Әке үміті мен тәрбиесі босқа кетпей,ел билеу ісіне ерте іліккен Абай 12 жыл болыс, 6 жыл би болып қызмет атқарады.Ал, Абайдың поэзиясына көркемдік әлеміне үңілген сайын, адам жаны тебіреніп,сезім көкжиегі кеңейіп,бар болмысы сөзбен айтып жеткізе алмайтындай ләззат алады. 2-ж. Ақынның қай өлеңін алсақ та, астарлы ойы мен идеясынан адамгершілікке тән қасиеттерді бойына дарыта алмаған ,адами рухты сіңіріп өсу керек деген ойды білеміз.Осыған орай, Абайдың алғашқы өлеңдерінің бірі «Ғылым таппай мақтанба» өлеңіне кезек берсек. Ғылым таппай мақтанба: 6-сынып оқушысы Ерсанатова Томирис 1-ж. Абайдың келесі бір топ өлеңдер шоғыры табиғат лирикасына арналады. Олар: «Жазғытұры», «Қыс», «Күз». Абайдың жыл мезгілдеріне арналған осы өлеңдерінен қазақ өмірінің тіршілігі суреттеледі. 2-ж. Табиғат аясында сол табиғаттың ауа-райына үндесе тіршілік ететін халықтың ұлттық ерекшелігі бейнеленген.Тағы да бір топ өлеңдеріне кезек берейік. Табиғат лирикасы. Оқитындар 8 а сынып оқушылары: Сексембаева Жансая, Абдрахманова Арайлым, Серқанова Аяулым, Ерлікова Назерке 1-жАкадемик Зәки Ахметов Абай ақындығының теңдесі жоқ екендігін, сонымен бірге аса дарынды сазгер болғанын, көптеген әдемі,әсерлі әндер шығарғандығын айтқан. 2-ж. Құлақтан кіріп бойды алар Жақсы әнмен тәтті күй Көңілге түрлі ой салар Әнді сүйсең ,менше сүй ,-деп Абай атамыз айтқандай 9-сынып оқушысы Әділбекқызы Балжанның орындауында «Желсіз түнде жарық ай» әніне кезек берсек. 1-ж.Абай шығармашылығындағы елеулі орын алатын бір сала- оның поэмалары.Олар : «Ескендір», «Масғұт», «Әзім әңгімесі». Абай өзінің поэмаларында да,өлеңдеріндегі секілді әлеуметтік –адамгершілік идеяларын көтерді. 2-ж.Абай өмірінің соңында жазылған туындысы «қарасөздер » деп аталады.Қара сөздер-көркем әңгіме емес,алайда оларды даналық сөздер,мақала,ғылымдық,философиялық шолулар деп қарастыруға болады.Абайдың жалпы қарасөздерінің саны-45. 1-ж. Әннің де естісі бар,есері бар Тыңдаушының құлағын кесері бар. Ақылдының сөзіндей ойлы күйді, Тыңдағанда көңілдің өсері бар. («Өлең –сөздің патшасы, сөз сарасы» оқитын: 8а сынып оқушысы Түлеуханова Анель) Ән. Орындайтын 2-ж: Жүрегін шырақ етіп жандырған кім? Жырымен жан сусынын қандырған кім? Өзіне –өзі орнатып ескерткішті, Мұра қып, кейінгіге қалдырған кім? Ерте оянып ,ойланып , ер жеткен кім? Талабын тас қияға өрлеткенкім? Құба жан, құр бақан құм, құла қырда, Өлеңнің бесігінде тербеткен кім? Соқтықпалы, соқпақсыз жерде өскен кім? Үнінен әділдіктің лебі ескен кім? Біздермен осы күнгі тілдескен кім? Тайсалмай, мыңмен жалғыз алысқан кім? Жауына найза сөзін шанышқан кім? Өзендей құйған барып көк теңізге, Лермонтов, Пушкиндермен табысқан кім? Көрерменге қояр сауалдарымыз бар. Кезекте сұрақ-жауап. Сұрақтар Абай шығармашылығына байланысты. 1.Абай алғашқы өлеңдерін қай ақынның атынан жарияланып отырды?( Көкбай ). 2. Абай туралы ең алғаш мақала жазған кім?( Әлихан Бөкейханов, 1903жылы Петербургта жазған). 3. Абайдың шын аты кім?(Ибраһим). 4.Абайдың қанша күйі бар? Аттарын ата.( Үш күйі бар: «Торыжорға », «Май түні», Абайдың желдірмесі»). 5.Абайдың аяқталмаған поэмасы.(«Әзім әңгімесі».) 6.Абай Леермонтовтан қанша шығарма аударған?(Жиырма жеті шығарма аударған). 7.Абайдың әжесінің және шешесінің аттарын ата.( Зере, Ұлжан.) 8. Ділдәдән туған балалары.(Ақылбай, Әбдірахман, Мағауия). 9. «Қазақтың бас ақыны -Абай Құнанбаев» деп атаған кім?( Ахмет Байтұрсынов). 10.Әйгерім кім? Әйгерімнің шын атын ата.(Абайдың екінші әйелі, шын аты Шүкман.) 11.Абай өлеңдер жинағы қайжылы басылып шықты және қай қалада? ( 1909 жылы Петербургта). 12. « Абай жолы» романын кім жазды?( Мұхтар Әуезов). 13. Абай ескерткіші алғаш қай қалада қоыйлды?(Алматы қаласында мүсінші-Х. Наурызбай.) 14.Абай кімге ғашық болды? (Тоқжанға) 15. Шәкәрімнің Абайға қандай туыстық жақындындығы болды?(Абайдың ағасының баласы.)
Бар ғұмырын әдебиетке арнаған, Ақиқаттың ақ жолынан таймаған, Ұлт пен тілдің болашағын көп ойлап, Жас ұрпақтың ар - намысын қайраған! Мубараков Елдардың орындауында Абайдың күйі «Торыжорға» 2-жүргізуші – - Әрине, Абай атамыз туралы айта беру артық емес. Бір қарағанда таныс тақырып, таныс бейне секілденгенмен, ол туралы білетініміз тым аз - ау. Ұлылықтың сырына қанық болғымыз келсе, даралықтың қандай болатынын ұғынғымыз келсе, дана Абайдың аударма әлеміне шарлап қайталық, құрметті халайық! Александр Пушкин «Письмо Татьяны к Онегину» және Абай Құнанбаев «Татьянаның Онегинге жазған хаты» Оқитындар: 10 б сынып оқушылары Агатанова Алина, Гүлзат 2-ж. Ол өткен заманның, кешегі түркі дүниесінің соққан тынысы болса да бізге түсінікті, жүрегімізге қонымды Абай –лебі, Абай - үні, ана тынысы - заман тынысы, халық үні. Абайдың жарқын бейнесі, жалынды жыры бізбен бірге мәңгі жасап келеді. 1-ж. Олай болса, жүрегі қазақ деп соққан қазақ жұрты Абайдың өлеңдерін бойтұмарындай сақтап жүруі тиіс.Артына өлмейтін мұра қалдырған ұлы Абай данышпанымыздың 170 жылдығына арналған әдеби-сазды кешіміз өз мәресіне жетті.Көңіл қойып,тыңдағандарыңыз үшін көп-көп рахмет! Каталог: uploads -> doc -> 0c60 doc -> Ана тілі №2. Тақырыбы: Кел, балалар, оқылық Мақсаты doc -> Сабақ жоспары «Сәулет және дизайн» кафедрасының арнаулы пән оқытушысы, ҚР «Еуразиялық Дизайнерлер Одағының» мүшесі: Досжанова Галия Есенгелдиевна Пәні: Сурет және сұңғат өнері doc -> Сабақ Сабақтың тақырыбы : Кіріспе Сабақтың мақсаты : «Алаштану» курсының мектеп бағдарламасында алатын орны, Алаш қозғалысы мен Алашорда үкіметі тарихының тарихнамасы мен дерекнамасына қысқаша шолу doc -> Тәрбие сағаттың тақырыбы: Желтоқсан жаңғырығы doc -> Сабақтың тақырыбы : Әбунасыр Әл- фараби Сабақтың мақсаты doc -> Сабақ жоспары Тақырыбы: Үкілі Ыбырай Мектеп:№21ом мерзімі 0c60 -> Тақырыбы: «Достық сезім» Мақсаты 0c60 -> Орындаған: Оспанова Салтанат Денсаулық сақтау педагогикасы, денсаулық сақтау технологиялары туралы түсінік 0c60 -> Сабақтың тақырыбы: Өз тілімді қадірлеп, өзге тілді үйренем Сабақтың мақсаты 0c60 -> Бастауыш сынып оқушыларының шығармашылық іс-әрекетін ерте жастан шыңдау әдістері жүктеу/скачать 84,48 Kb. Достарыңызбен бөлісу:
|