Электролиз (электро... және грек. lysіs – еру, ыдырау) – еріген немесе балқыған электролитке батырылған электродтарда электр тогы әсерінен жүретін химиялық реакция. Электролиттер арқылы өткен электр тогы химиялық энергияға айналады. Электролиз электролитпен толтырылған ыдысқа екі электрод орналастырып, оларды тұрақты ток көзінің полюстеріне жалғастыру нәтижесінде өтеді. Электролиз аппараттарын электролизерлер, электролиттік ванналар деп атайды. Электролизерлер корпусы болат, керамика, пластмасса, шыныдан жасалады.
Электродтар құрған электр өрісінде өткізгіш сұйықтықтағы иондар реттелген қозғалысқа келеді. Теріс электрод - катод, оң - анод.
Аниондар деп аталатын теріс иондар (гидроксил тобының иондары және қышқыл қалдықтары), анодқа асығады, ал катиондар деп аталатын оң иондар (сутек, металдар, аммоний иондары және т.б.)
