1-сабақ СӨзжасам. ТҮбір мен қосымша 1-жаттығу
жүктеу/скачать 1,48 Mb.
|
- Бұл бет үшін навигация:
- Ер есімі – ел есінде
| -жаттығу. 1.Төменде берілген мәтінді оқып шық. 2. «5-ші», «6-шы» сияқты сан есімдердің емлесін түсіндір. 3. Мәтіндегі сан есімдердің құрамдық түрлерін ажырат. 4. Бейбіт заманның батыры кім деп білесің? (эссе жазу)
Ер есімі – ел есінде Ұлы Отан соғысының ардагері, Кеңестер Одағының Батыры, физика- математика ғылымдарының кандидаты, доцент Сұрағанов Құдайберген Мағзұмұлы 1921 жылы 25 мамырда Павлодар облысының Қачиры ауданының Сұлуағаш ауылында дүниеге келген. 1935 жылы Байғоныс бастауыш мектебін бітіріп Октябрьтаң орталау мектебіне түседі. Зерек оқушы 1935-1936 оқу жылында 5-ші және 6-шы екі класты бір жылда бітіріп, Павлодар қаласындағы В.В.Воровский атындағы педагогикалық училищеге оқуға түсіп, оны 1940 жылы қызыл дипломмен бітіреді. 1940 жылдың 9 ақпанынан 14 қазан аралығында Павлодар қаласынан 7 шақырым жердегі Жаңа ауыл орталау мектебінде мұғалім болып, математика және физика пәндерінен сабақ береді. Сол мектептен Қызыл Армия қатарына кетеді. 1942 жылдың наурыз айына дейін 185-артиллерия полкында оқу батареясының курсанты болады. Емтиханды ойдағыдай тапсырған Құдайберген Мағзұмұлы кіші лейтенант атағын алып, майданға аттанады. Оның жауынгерлік жолы Сталинградты қорғаудан басталып, Берлиндегі Ұлы Жеңіспен аяқталады. 1942 жылдың желтоқсанында кіші лейтенант Құдайберген Сұрағанов Сталинград түбіндегі шайқаста ауыр жараланады. Жаудың дәлдеп атқан минасы Құдайберген жүрегі тұсының 5-6 қабырғасын сындырып, мина жарықшақтары сол қолының бұлшық етіне, сол аяғының тізесінен жоғары, сол жақ кеудесіне де бытырай қадалады. Операция жасаушы хирургтің асқан білгірлігі мен шеберлігінің арқасында ғана тірі қалған. Ұлы Отан соғысының қанды майдандарында ата жаумен шайқаста ерлік пен отансүйгіштіктің өзіне тән үлгісін көрсеткен батыр ағамыз, бейбіт өмірде де ерлікке тән қызмет жасап, туған халқының жас ұрпағын оқытып, тәрбиелеуге өз өмірінің жарты ғасырға жуығын арнапты. Ол Алматы мемлекеттік қыздар педагогикалық институтында 41 жыл студент-жастарға білім беріп, тәрбиелеп, үлкен өмірге қанат қаққызған. Кейінгі ұрпаққа айтар ғибраты, берер тағылымы мол ардагер – ұстаз, белгілі ғалым-математик Құдайберген Сұрағанов 2008 жылы 18 ақпанда қайтыс болды. жүктеу/скачать 1,48 Mb. Достарыңызбен бөлісу:
|