3-САБАҚ
МОРФОЛОГИЯ. СӨЗ ТҮРЛЕРІ
9-жаттығу. Өлеңді мәнерлеп оқып, идеясын анықта. Мәтіннен ауыспалы мағыналы сөздерді теріп жаз.
Тағдырға тілек
Тағдыр-ау,
неге көрсетесің қаттылық,
Танытпап ем тепсінердей жат қылық.
Сайтандар кеп сандырағын сыбырлап,
Жаншып әбден өзегімді жатты үгіп.
Қысастыққа құрылмаған қылығым,
Жүрегімнің басып алды-ау жырын мұң.
Табынуды білмеуші едім адамға,
Лайлай бердің ғұмырымның тұнығын.
Батпағыңа батқаннан соң бүгілдім,
Салып берген сүрлеуіңде сүріндім.
Аққу көрсем сезіміне қызығып,
Ал тағдырын естігенде түңілдім.
Сен өксіктің құрсауына тоғыттың,
Кедергіге көлденеңнен жолықтым.
Жетер енді, сәтсіздіктен қажыдым,
Соңғы кезде көп жылайтын болыппын.
Б.Бөжен
Тапсырма: 1.Тыныс белгілерінің не мақсатта жұмсалғанын түсініп ал. Мәтіннен дисфемизм сөзді теріп жаз. 2. Мағынасы жойылған сөздерді ажырат. 3. Өзіңнің құрбы-құрдастарыңа, достарыңа арнап қандай тілек білдірер едің (өлең жолдары арқылы жеткізіп көр)?
10-жаттығу. Атауыш, көмекші, одағай сөздерді қатыстырып, көркем шығармадан мысал теріп жаз.
Төмендегі кестені толтыр:
Тапсырма түрі
|
Атауыш сөз
|
Көмекші сөз
|
Одағай сөз
|
Анықтамасы
|
...
|
...
|
...
|
Мысалы
|
...
|
...
|
...
|
Достарыңызбен бөлісу: |
