Санатбай. Әй, қойшы сол еріккен шалды.
Әшірбек. Мынау қайтеді-ей, шамасына қарамай Шаншар атайға сөз тигізді-ау өзі. Осынысы үшін бұдан атайдың орнына өзіміз шертпек алып, ептеп жөнге салып жіберсек қайтеді? Қарсы емес шығарсың бұған?
Бекен. Дұрыс айтасың. Атайға тіл тигізгені қай сасқаны? Алу керек. (Балалар шертпек алмақ болып, Санатбайға тұра ұмтылды). Санатбай. Тапқан екенсіңдер басты салбыратып тосып тұратын ақымақты. Санатбай ондайлардың санатына жатпайды. (Қашуға оңтайланады). Әшірбек. Ал, зытады бұл. Ұста. (Бекен шап беріп Санатбайды құшақтап алады. Санатбай жанын сала жұлқынады. Бекен жібермей қыса түседі. Балалар жабылып кетеді).
