Кәсіби интеллектіге бұл тұрғыдан келу педагогикалық психологияның кәсіби оқытуды ұйымдастырудың, демек, кәсіби қажетті білімдер мен оларды игеру ді ұйымдастыруда арайы ақпараттық модельдер жасап шығаруын талап етуде. Психологияның проблемасы педагогика ғылымының біліктілігіне енетін кәсіби білімнің мазмұнынын таңдау емес, білімді қалыптастыру мен қолданудағы психологиялық проблемаларды шешу. Осыған байланысты оқытудың ақпараттық негіздерінің, оқу пәнін әр тұрғыдан зерттеу және оны игеруге қатысты мәселелерді шығармашылық тұрғыда, өз бетінше, байланыстар мен қарым-қатынастардың барлық кешеніне бағытталу деңгейінде психологиялық негіздемесі жасалуда.
Кәсіби білім жүйесіндегі оқытудың ақпараттық негізі субъекті материалдың толық көлемін игеруі мен оны болашақ іс-әрекетінде дұрыс қолдана алуы үшін психологиялық механизмдер проблемасын түзуі мен талдауын қажет етеді.
Ойлауда игерілетін біліммен байланыстығы жөніндегі Л.С. Выготский ұсынған идея оқыту теориясы негізін қалаушы теориялардың біріне айналды. Бұл байланыс мазмұны қабылдау тәсілін арнайы іс-әрекет ретінде ұйымдастыру арқылы ашылады.
Кәсіби біліктілік маманның өз кәсібі туралы толық білуі мен оны сүюі және маман ретінде терең теориялық білімінің, шеберлігінің болуымен анықталады.
Жоғары оқу орнындағы педагогикалық қызмет әртүрлі деңгейдегі оқытушылардың кәсіби шеберлігі арқылы жүзеге асырылады және олар әртүрлі нәтижелер береді. Кез келген оқытушы кәсіби өсуге, педагогикалық шеберлікті үйренуге тырысады. Әртүрлі педагогикалық шеберлікті меңгеру студенттік жыллдардан басталады десек болады.
Педагогикалық шеберлік – кәсіби педагогикалық жұмысты ұйымдастырудың жоғары деңгейін білдіреді яғни ол қысқа уақыт арлығында дұрыс қорытынды береді.
