ЖШС «Dolce-Pharm» Қазақстан Республикасының фармацевтика саласындағы ірі компаниялардың бірі - "Dolce-Pharm" ға бардық. Зауыттың барлық қағидаларымен бізді Утегенов Шернияз мырза таныстырды.
Яғни, жұмыс орнына кіре салысымен жетекші сырт киімді арнайы бөлмеде қалдырып, өндіріске арналған арнайы киімді(халат, маска, қолғап, бас киім, бахилы) кигізіп, таза зонаға өткен студентте ешқандай артық затсыз, әшекей, сағат болмауын қадағалады, себебі бұл ауаның микробиологиялық ластануына алып келуі мүмкін. Әр жұмыс зонасына ауысқан сайын таза зонада киілген бір реттік арнайы киімді шешіп, арнайы жәшікке тастап, жаңасына ауыстыру қажет.
"Dolce-Pharm" қызметінің негізгі бағыты – медициналық бұйымдарды өндіру және көтерме сату: тоқылмаған материалдардан жасалған бір реттік медициналық маскалар; стерильді және зарарсыздандырылмаған медициналық нитрилді, Латексті, винилді қолғаптар, бахилалар, хирургиялық жиынтықтар, төсек-орын жабдықтары, комбинезондар және тағы басқалар.
Компанияда мединициналық бетперденің, қолғап, бас киімнің жасалу процесстерімен, оның әртүрлі түрлері; активтендірілген көмірді жасауға арналған аппараттар және оның жасалу әдістерін, қалай буылып-түйілетін көрдік.
Хирургиялық комплекттер, комбинезондар және ерекше стерильденген заттар әзірленетін зоналар дыбыс өткізбейтін әйнекпен қоршалған. Әр күннің есебі, өткізілген процесстер, шығарылған өнім саны арнайы кітапшаға жазылып, басқарушының қолы қоюмен қадағаланады.
12.11.2022ж
13.30-18.20
ЖШС «ВИВА ФАРМ» "ВИВА ФАРМ" компаниясының Қазақстандық фармацевтикалық нарықта 15 жылдан астам жұмыс тәжірибесі бар. 1999 жылы "ВИВА ФАРМ" компаниясы өз қызметін шетелдік препараттардың дистрибьюторы ретінде бастады, содан кейін 2010 жылы өзінің дәрі-дәрмектерін өндіруді бастады.
Цехта рецептуралық және рецептісіз генерикалық дәрілік препараттар өндірілетіндігін білдік. Өндірістің негізгі бағыты: кардиологиялық, антигистаминдік, вирусқа қарсы препараттар мен дәрумендер.
Қазіргі заманғы толық циклді өндіріс, жабдықтар мен инфрақұрылым фармацевтикалық өндірісті ұйымдастырудың халықаралық стандарттарына сәйкес келеді.
