БІР ЕРІТІНДІДЕГІ ДИХРОМАТ ЖӘНЕ ПЕРМАНГАНАТ ИОНДАРЫН АНЫҚТАУ
Дихромат және перманганат иондары ерітінділері түсті болады. Cr2O72- және MnO4- жарық сіңіруі әр түрлі толқын ұзындығына сәйкес келеді. MnO4- максимальды жарық сіңіруі 500-550нм, ал Cr2O72- ионына 430нм сәйкес келеді, бірақ 430нм толқын ұзындығында MnO4- иондары да жарық жұтады. Ерітінді ортасына байланысты
2CrO42- + 2H+ ↔ Cr2O72- + H2O
сары тоқ сары
тепе-теңдікте болады, сондықтан ерітіндінің қышқылдығын әр уақытта тұрақты етіп ұстау керек.
Реагенттер:
1.Калий перманганатының стандартты ерітіндісі ТMnO4- = 1мг/мл
2.Калий дихроматының стандартты ерітіндісі ТCr2O72- = 0,1мг/мл
3.Күкірт қышқылы (1:1)
Көлемі 50мл-лік бес өлшегіш колбаға 1; 2; 3; 4; 5мл калий перманганатының ерітіндісін құйып, бес колбаға калий дихроматының ерітіндісін құйып, 1мл күкірт қышқылын қосып, он бірінші колбаға анықталатын заттары бар ерітіндіден құйып (оқытушыдан алады), 1мл күкірт қышқылын қосып, барлық колбалардағы ерітінділерді дистильденген сумен белгілеріне дейін сұйылтып, жақсылап араластырып, (жасыл жарық фильтрі) 550нм толқын ұзындығында калий перманганатының стандартты ерітінділерінің және анықталатын зат үшін оптикалық тығыздықтарды өлшейді (Д1). 430нм ұзындықта (көк жарық фильтрі) калий дихроматының стандартты ерітінділерінің және анықталатын зат бар ерітіндінің оптикалық тығыздығын өлшейді (Д3). Тәжірибе нәтижесінен 3 градуирлеу графигін сызады:
1.Д1= f(mMnO4)-, 550 нм
2.Д2= f(mCr2O7)-2, 430 нм
3.Д3= f(mMnO4)-, 430 нм
Бірінші графиктен анықталатын зат бар ерітіндінің оптикалық тығыздығы (Д1) бойынша (550 нм) MnO4- мөлшері анықталады, үшінші графиктен осы MnO4- мөлшеріне сәйкес келетін оптикалық тығыздық (Д2) табылады, екінші графиктегі оптикалық тығыздықтар айырымы (Д3- Д2) мәніне сәйкес оптикалық тығыздық Cr2O72- мөлшерін көрсетеді.
Достарыңызбен бөлісу: |
