Тиосульфат-иондарының (S2O32-) реакциялары
S2O32- - тиокүкірт қышқылының H2S2O3 анионы. Тиокүкірт қышқылы тұрақсыз және бос күйінде кездеспейді. Бұл қышқылдың сілтілік металдарының тұздары тұрақты болғанмен, сулы ерітінділерінде гидролизге ұшырайды. Тиосульфаттар күшті тотықсыздандырғыштар.
1. Барий хлориді ВаСl2 тиосульфат-ионымен ақ түсті барий тиосульфатының тұнбасын түзеді:
Na2S2O3 + ВаСl2 = BaS2O3↓ + 2NaCl
Тұнба қайнап тұрған суда және сұйылтылған минералды қышқылдарда (күкірт қышқылынан басқа) ериді. BaS2O3 аса қаныққан ерітіндіні оңай түзеді.
2. Минералды қышқылдар тиокүкірт қышқылын өзінің тұздарынан ығыстырып шығарады:
Na2S2O3 + 2HCl = H2S2O3 + 2NaCl
Тиокүкірт қышқылы түзілген сәтте ыдырайды:
H2S2O3 = S↓ + SO2↑ + Н2O
Күкірт түзу нәтижесінде ерітінді лайланады. Бұл реакция сульфиттердің қатысында тиосульфаттардыанықтауға болады, себебі күкіртті қышқыл ыдырау кезінде тек SO2 бөледі, ал күкірт түзілмейді. Реакция фармакопеялық болып табылады.
Достарыңызбен бөлісу: | 
