Бұл ұстаным жоба жасалуының түрлі деңгейіндегі коммуникативті-танымдық тапсырмаларды шешу ретінде қарастырады. Кез келген жобаның негізінде белгілі танымдық, практикалық және теориялық қажетті бір проблема болады. Шетел тілін оқытуда жоба технологиясы оқушыларға шетел тілін жетік меңгеруде негізгі құрал ретінде тілдік білімнің алатын орнын түсінуге көмектеседі.
Д.Е.Гаипов: «Тіл – мәдениеттің бір элементі және мәдениет шеңберінде құрылады, сондықтан да аталмыш мәдениеттің ерекшеліктерімен және оның ішіндегі тілдің құрылу ерекшеліктерімен таныс болуымыз керек». (23) Осыдан келе, шетел тілі шет елдер мәдениеті мен тарихын білу құралы ғана болмауға тиіс, ол қатысушыларға өз елінің мәдениеті туралы білімді хабарлау, беру құралы болуға тиіс. Яғни, мәдени қарым-қатынас жасауға үлесін тигізеді. Олай болса, жоба технологиясында шетел тілі сонымен қатар неміс тілінде сөйлеушілердің өз ішкі дүниесінің арасындағы байланыс болып отыр.
