Ііі халықаралық ғылыми-практикалық конференция материалдары
жүктеу/скачать 7,21 Mb. Pdf көрінісі
|
3 том (1)
| Баяндама мәтіні
Сәулет өнері адамдардың өмірімен мен қызметіне қажетті, материалдық тұрғыдан ұйымдасқан орта құрайтын үйлер мен құрылыстар, сондай - ақ кешендер, қоғамның эстетикалық көзқарасына сәйкес құрылыстар, сәулет өнері мәдениет саласын құрайды. Сәулет деген тек ғимараттар мен құрылыс салу емес, сонымен бірге адам баласының өмір сүру тіршілігіне қажет кеңістік пен ортаны тиімді, пайдалы етіп ұйымдастыру. Көбінесе, ғимараттарды жобалау кезінде қабылданған шешім осы талаптардың келісушілік нәтижесі болып келеді, сонымен қатар ғылыми негіздеуін қамтамасыз ететін талаптары ескеріледі. Олай болса, бөлмені дұрыс жобалау үшін, бөлме ішінде адамға ыңғайлы жағдай жасау үшін, ортаның қасиетін анықтайтын барлық талаптарды ескеру керек. Бұл талаптар әртүрлі ғимарат үшін құрылыс нормалары және ережелерінде (ҚНжЕ) бекітілген – бұл негізгі мемлекеттік құжат, біздің елдегі ғимарат пен құрылымдардың жобасын және құрылысын белгілейтін құжат. Тұрғын үйді тұрғызу – бұл тек қана материалдық-тұрмыстық қажеттіліктерді қанағаттандырып қана қоймай, адам өмір сүріп, жұмыс жасайтын және болашақ ұрпақ тәрбиесі жүретін материалдық, әлеуметтік және рухани ортаны құру болып табылады. Әрбір отбасы үшін оның тұрмысына, тұратын ауданының саны бойынша қажеттіліктеріне толықтай жауап беретін үй қарастырылуы қажет. Осы қажеттіліктермен байланысты бөлмелердің құрамы мен пәтерлердің ауданы бойынша әртүрлі жиынтықта тұрғын үйлердің әртүрлі типтері жобаланады. Бөлмелердің қажет саны құрылыс орынындағы тұрғындардың демографиялық құрамы туралы жасы, мүшесі, отбасы құрамы статистикалық мәліметтер негізінде анықталады. Ою-өрнек (латын тілінен аударғанда әсемдеу, сәндеу) – әр түрлі заттарды, сәулеттік ғимараттарды әшекейлеуге арналған жүйелі ырғақ пен қайталанып отыратын әр үйлесімділікке құрылған өрнек-нақыштар. Ұлттық ою-өрнек өзіне тән белгілерінің жүйелерін қазақ халқының қалыптасуымен әрі республиканың қазіргі аумағын мекендеген 287 Азияның басқа да халықтары мәдениетімен тығыз байланыста дамыды. Бұл ортағасырлық архитектуралық ғимараттардағы көгеріс және геометриялық ою-орнектерден (Айша-бибі, Ахмет Яссауи кесенесі) айқын көрінеді. Қоңыр ою-өрнектің дәстүрлі тоқыма өнері үлгісінде, кестеде, ағаш, мүйіз, сүйек, металл мен теріге өрнек салу мейлінше жетілдіре түсті. Көп қабатты тұрғын үй қазақтың ұлттық ою-өрнегіне сүйене отырып орындалды. Ұлттық ою-өрнектің сұлбасы, тұрғын үйдің төбесінен қарағандағы көрінісінде көрсетілген. Тұрғын үй төбесінен қарағанда «қошқармүйіз» бен «құсқанат» оюларының біріккен нұсқасын еске түсіреді. Көз алдымызға оюды елестете отырып, сонымен қатар ғимараттардың өзіне тән тік, ирелімді, доға тәрізді пішіндерді ескере отырып, түрғын үйді «қошқармүйіз» бен «құсқанат» оюларына ұқсатуға тырыстым. Басқа да көптеген ою- өрнектерді пайдалана отырып, әр түрлі пішіндегі тұрғын үйлерді, азаматтық ғимараттарды, қоғамдық ғимараттарды жобалауға болады. Жобаның нобайын мемлекеттік стандарттың нұсқауына сүйеніп және құрылыс мөлшері мен ережелеріне (ҚнжЕ), сәулеттік жобалау құжаттарына сәйкестендіріп сәулеттік сызбасының масштабтарымен сыздым. Жобаланған сызбам берілген тақырыпқа сәйкес және талаптар мен ережелерге сай сызылған. Ғимараттың өлшемі: 66000ммх21000мм Қабат саны: 16 жүктеу/скачать 7,21 Mb. Достарыңызбен бөлісу:
|