Қажетті шаралар мынадай үш бағыт бойына жоспарланып, жүргізілуі тиіс: инфекцияның тарау жолдарын үзу, адамдардың жұқпалы ауруларға қарсы тұрушылық, қабылдамауылық қабілетін арттыру.
Инфекцияның көзіне әсер етуде жұқпалы ауруларды дер кезінде анықтау, оларды ертерек оқшаулау және ауруханаға жеткізу айрықша маңызды. Сонымен бірге халықтың санитарлық сауаттылығын арттыру, жұқпалы аурулардың негізгі белгілерін білу, дәрігерге дер кезінде қаралу зор роль атқарады. Инфекцияны жұқтырудың көзін анықтау үшін медицина құрамы ауру шыққан ошақта эпидемиологиялық тексеру жүргізеді.
Жұқпалы ауруға шалдыққан науқастар міндетті түрде ауруханаға жөнелтіледі, оларды арнаулы көлікпен тасымалдайды, осыдан кейін бұл көлік дезинфекциядан өткізіледі.
Дезинфекция – дегеніміз сыртқы ортадағы жұқпалы аурулардың қоздырғыштарын жою шаралары. Дезинфекция профилактикалық және ошақтық болып бөлінеді. Дезинфекция 4 тәсілмен (механикалық, химиялық, физикалық, биологиялық) жүргізіледі.
Ауру шыққан аймақта карантин немесе обсервация енгізіледі.
Карантин – бактериологиялық зақым ошағын, оның аймақтағы адамдарды, жануарларды төңірегіндегі халықтан толық оқшаулауға және зақым ошағындағы ауруларды жоюға бағытталған әкімшілік-шаруашылық, санитарлық-гигиеналық, режимді-қорғау, эпидемияға қарсы, емдеу шараларының жүйесі.
Карантин ошағындағы жүзеге асырылатын негізгі шараларға мыналар жатады:
- зақым ошағын оқшаулау, бұл үшін ошақты қарулы түрде күзету;
- ауырған немесе ауыруы мұмкін адамдарды алдын ала анықтау, байланысқан адамдарды бақылауға алу,оларды оқшаулау және емдеу;
- шұғыл профилактикалық шаралар жүргізу (вакцинация) немесе егу;
- халықты және жасақтардың адам құрамын санитарлық тазартудан өткізу;
- киімді, аяқ-киімді, мүлікті, аймақты, ғимараттар мен техниканы дезинфекциялау;
- емдеу мекемелерін, кәсіпорындардың, ұйымдардың жұмыс тәртібін белгілеу;
- зақым ошағына кіруге, одан шығуға және мүліктерді алып шығуға тиіым салу;
- ошақта мекептердің, клубтардың, кино-театрлар мен тұрмыстық қызмет көрсететін ұсақ кәсіпорындардың жұмысы уақытша тоқтатылады.
Обсервация – жұқпалы аурулардың тарауын болдырмауға бағытталған оңашалау-шектеу және емдеу, профилактикалық шаралар жүйесі.
Обсервацияны жүзеге асырғанда ауру аймағына кіруге және одан шығуға шектеулер қоюға берілгенімен, режим шараларының жүргізу қатаңдығы, карантин кезіндегіден сәл кем болады.
Мүліктерді зақым ошағына тасып әкелуге және одан шығаруға заласыздандырғаннан кейін рұқсат етіледі.
Карантин және обсервацияның мерзімі инкубация кезеңінің ұзақтығына байланысты және сонғы ауруды оқшаулау кезінен бастап саналады.
Жұқпалы аурулар ошағында профилактикалық және эпидемияға қарсы шаралары ұйымдастырып, жүргізеді денсаулық сақтау органдарына санитарлық жасақтар мен санитарлық постылар тағы басқа медициналық күштер мен құралдар пайдаланады.
|
