Дәріс №7
Тақырыбы: Жергілікті су көздерін пайдалану
Дәрістің мақсаты: Жергілікті су көздерінің түрлері, оларға сипаттама беру. Көлтабан жөнінде түсінік, оның түрлері. Төгінді суды пайдалану жолдары, ерекшеліктерімен таныстыру.
Түйінді сөздер: көлтабан, тоған, көлшік, төгінді су, биологиялық көлшіктер.
Дәріс жоспары:
1. Жергілікті су көздері жөнінде түсінік
2. Көлтабандап (жайып) суару, оның түрлері
3. Төгінді судың түрлері, тазалау жолдары
4. Төгінді суды ауылшаруашылық дақылдарын суаруға пайдалану ерекшеліктері
1. Жергілікті су көздері жөнінде түсінік. Жергілікті су көздері, сол аумаққа түскен жауын-шашыннан, су ағысы бірде ағып бірде тоқтап қалатын өзеншелерден, топырақ асты және қалалардан шығатын төгінді сулардан құралады. Бұл суды дұрыс жинап, егін суаруға пайдалануға болады. Ол үшін, тегіс жерлерде су қоймасын тұрғызып, жер асты суын топырақ бетіне көтеріп, ал беткейдегі қар мен жауын-шашын суын сол жерлерге сіңіріп, төгінді суды тазалап пайдалануға болады.
Достарыңызбен бөлісу: |
