Инженерлі технологиялық институты

Даладан аумағы 1 м² немесе радусы 1-1,5 м дөңгелек алаңды таңдап алып, оның сыртқы жағынан биіктігі 35-40 см топырақ үйіндісімен қоршап және тығыздап, алаңға су құяды. Сумен бірге топырақтың құрылымы шайылып кетпеу үшін алаңның біраз бөлігін сабан не шөппен жауып қояды.

Алаңға құйылатын судың мөлшерін былай есептеп шығаруға болады. Егер топырақ бағанасының мөлшерін R = 1 м, Н = 1,5 м деп алсақ, онда V = R² х Н = 4,71 м³ болады. Орта есеппен алғандағы қабаттың жалпы қуыстылығы барлық көлемнің 45% болғанда, ол 2,11 м³ болады. Егер топырақтың бастапқы орташа көлемдік ылғалдылығы 15% болса, онда қуыстардың 0,70 м³ жуығында су болады, яғни топыраққа 1,14 м³-ге жуық су құю керек.

Топырақтың дымқылдығын уақытша сақтау үшін және алаңнан ағып кететін судың есесін қайтару үшін құйылатын судың мөлшерін 1,5 еседей көбейту керек. Топырақ әбден суға қаныққанына көзіміз жеткен соң, су топырақтың беткі қабатынан буланып ұшып кетпеуі үшін, судың төмен қарай гравитациялық ағуы тоқталғаннан кейін алаңды клеенкамен немесе қара қағазбен, немесе қалыңдығын жарты метр қылып сабанмен жауып қояды. Құмдарда және құмдақ топырақтарда судың фильтрациясы 1 тәуліктен, саздықтарда 2-3 тәулік, ал саз балшықтарда 3-4 тәуліктен кейін тоқталады.