Жұптық жұмыс және өзара бағалау

Бірінші жұптасып талқылаудан кейінгі жауаптардың деңгейі төмен болды. Ал, екінші жұптасып талқылаудан кейінгі жауаптардың деңгейі жоғарырақ болды. Себебі, жауаптар сараланып, жөнделді. Әдеттегі жұптық талқылаусыз өтетін жаттығумен салыстырғанда, жауаптардың деңгейлерінде үлкен айырмашылық байқалды. Бұрын жұптық жұмыста тек А немесе В деңгейлі оқушылар ғана тапсырманы орындап С деңгейлі оқушымен талқыламай өздері ғана орындайтын. Ал, қазіргі кезде С деңгейлі оқушылар білмегендерін сұрап, жалпы тапсырманың не туралы екенін және қалай оқу керектігін түсініп отырды. Балаларға басқа оқушылардың жауаптарын тыңдау өздерінің ойларын қалыптастыруға көмегін тигізді.

«Бағдаршам» арқылы оқушылар өз жұмыстарын формативті бағалады. Жұмыс жасау кезінде формативті бағалаудың стартегиялаын пайдалану оқушыны ынталандыру, жетілдіруді көрсету мақсаттарын нақтылаудың стратегияларын пайдалану оқушыны ынталандыру және жетілдіруді көрсету мақсаттарын нақтылаудың тиімді жолы болады деп санаймын. Бағдаршамның жасыл түсін - 5 жұп, сары түсін – 1 жұп көрсетті, ал қызыл түсін – ешқандай топ көтермеді.

Балалардың жауаптары мен жасаған жұмыстарының нәтижесіне қарап , олардың сын тұрғысынан дағдыланған сабақ өткізілгені байқалды.

Мен осы жұмысты жинап алып, екі жұлдыз бір ұсыныспен бағаладым. Оқушылардың басым көпшілігі тапсырманы орындай алғандарымен, орфографиялық қателер жіберген. Оларға тапсырманы толық орындап, грамматикалық қате жібермей жұмыс жасауларын ұсындым. Осы жұмыстардың нәтижелерін ескере отырып, алдағы оқытуды түрлендіремін. Сонда, оқушылардың оқуға деген ынтасы мен қызығушылықтарын оятып, оқуда кездескен қателіктерін және оқушылардың жеке жұмысты орындау кезінде туындаған қиындықтарын жөндеуге мүмкіндік аламын. Бұл формативті бағалау түрі олардың алдағы уақытта тапсырманы қалай жазу керектігін білулеріне, ұсыныспен жұмыс жасауына, тапсырма аясындағы білімдерінің дамуына, сын тұрғысынан ойлана алуларына мүмкіндік берді.

В деңгейлі Ж есімді оқушының жазған ойы:

Маған ұнағаны: «сабақтың бәрі ұнады. Басқа оқушылар ұнамаған жерлерін айтып жатыр, ал маған ұнамаған жері жоқ. Сабақ қызықты болды, апай көп қызы тапсырмалар әкелген.»

Менің ұсынысым: «Тапсырмаларды орындағанда уақыт көбірек берілсе және ойындар ойнасақ», - деп жазыпты. Тізбектелген сабақтар топтамасында өзіме ұнаған ұтымды тұстарын әр сабақтың соңында рефлексия толтыртып, не сәтті шыққанын, қандай тапсырмада оқушыларға қиындық туындайтынын, алда не білгілері келетіндерін жаздырту арқылы оқушы үнін тыңдап, бөлісіп отырған тұстарым болды.

• 
  Оқушылар формативті бағалаудың стратегияларын қолдануды үйренді;
  
• 
  Оқушылар топтарда өзара екі жұлдыз бір ұсыныс арқылы бағалауда ұсыныс жасауды үйренді;
  
• 
  Оқушылардың жұмыстарынан кейінгі алынған кері байланыстан олардың даму деңгейі мен жетістіктері жайлы хабар алдым.
  

• 
  Оқушылар сыныптасының және өз жұмыстарына шынайы баға беруге дағдыланбауы;
  
• 
  Б бақылау парағы арқылы топтардағы өзара бағалау жүргізуде рөлдердің тақырыпты ашуына қосқан үлесін емес рөлдерді қалай атқарғандарына баға бермеуі,
  
• 
  Жұптық жұмыста өз жұбын бағалаудың шынайы жүргізілмеуі.
  

• 
  Балаларды сыныптастарына және өздеріне шынайы баға беруге дағдыландыру;
  
• 
  Б бақылау парағы арқылы топтардағы өзара бағалау жүргізуде рөлдердің тақырыпты ашуға үлес қосуына мән берулерін ескерту;
  
• 
  Дайын үлгі жауап бойынша жұптар өзара бағдаршам арқылы бағалауы шынайы жүргізілуі үшін сыныптағы бірнеше оқушының жұмысын оқыту.
  

1. 
   Мұғалімге арналған нұсқаулық. III (базалық) деңгей, IV басылым «Назарбаев Зияткерлік мектептері» ДББҰ Педагогикалық шеберлік орталығы, 2015
   
2. 
   “English 7”, Т.Аяпова, З.Абильдаева, «Мектеп» баспасы, Алматы қаласы, 2012
   
3. 
   Таратпа материалдар. (Үшінші аптаның 1-2 күніндегі материалдар).