«Жарқын болашақ» қалалық қазақ тілі олимпиадасында мектеп-лицейімізден «Сөз шеберлері» номинациясы бойынша 3 орынға 7 «А» сынып оқушысы Мухамедияр Камила , «Әнші-бұлбұлдар» номинациясы бойынша 7 «Б» сынып оқушысы Маликова Алуа жүлделі 2 орынға ие болды. 11-15 ақпан күндері мектеп-лицейімізде Кеңес Әскерлерінің Ауған жерінен шығарылғанына 30 жылтолуына орай «Ауған асуында от кешкендер» тақырыбында атты сынып сағаттары өтті. «Өткенді ұмыту – болашақтан қол үзу» қағидасын ұстанған лицей оқушылары аталмыш іс-шараға аса белсенділікпен қатысты. Кеңес әскерінің ауған жерінен шығарылғанына 30 жыл толуына орай «Тұран» шаңырағының ұйымдастырылымен «Дара тұлға» жобасы аясында «Жастығын жалын шарпыған» атты ерлік сабағы өтті. Іс-шара қонағы – лицейіміздің алғашқы әскери дайындық пәні мұғалімі, ауған соғысының ардагері, көптеген орден – медальдардың иегері, құрметті азамат Журунтаев Ербол Кайноллаұлы әскери борышын өтеп жүріп, ауған соғысына аттанады.
19 ақпан күні Үкілі Ыбырай атындағы Ақмола облыстық Филармониясында танымал тұлға Қазақастанның халық әртісі, белгілі кино және театр режиссері – Талғат Теменовпен кездесу кешіне 9 сынып оқушылары қатысты.
25 ақпан күні мектеп-лицейінде №17,№19 және біздің лицей түлектеріне арналған кәсіптік бағдар беру жұмысы жүргізілді. Абай Мырзахметов атындағы Көкшетау Университеті мен Алматы қаласы Халықаралық Бизнес Университеті (University of International Business) мекемелерінен келген білім беру мамандарымен кездесу өтті.
Көкшетау қаласының шығармашылық белсенділігін арттыру, өзін-өзі жүзеге асыру үшін егіздердің белсенді ұмтылысын дамыту мақсатында ұйымдастырылған «Егіздер-2019» қалалық байқауына «Зерен шаңырағының» 5 «Г» сынып оқушылары Смагулов Алихан мен Смагулов Темірлан қатысып жүлделі 2 орынға ие болды.
