Маулина Н. Ұршық [Текст]. – Алматы: Хан тәңірі, 2014. – 190 б.
Нұргүл Хасанқызы Маулина – Ақтаудағы Ш.Есенов атындағы КаспийМемлекеттік технология және инжиниринг университеті «Экономика және құқық» институтының «Қаржы» кафедрасының доценті, экономика ғылымдарының кандидаты.Мамандығы басқа болса да, бала күнінен-ақ өлең-жырға ғашық боп өскен іңкәр жүрек қолы қалт еткенде көңіліндегі көрікті ойды қағазға түсіріп, әдебиет әлемінде өзінің ізін қалдыруға ұмтылады. Бұл кітап жас таланттың тұңғыш жыр жинағы.
Ниязбек Р. Шығармалар жинағы: өлеңдер[Текст] /Р.Ниязбек. – Алматы: ҚАЗақпарат, 2014.
Т.1. – 2014. – 380 бет.
Шешенстан Мемлекеттік сыйлығының және Халықаралық «Алаш» әдеби сыйлығының лауреаты, көрнекті ақын Рафаэль Ниязбектің бұл томына қилы-қилы тағдыр кешкен қазақ халқының елдігі мен ерлігі, арғы-бергі тарлан тарихы, рухани құнды байлығы, таным-тіршілігі, адамгершілік қасиеті, жаратылыс-болмысы шымыр суреттелген.
Ақынның сонымен бірге балалық шақ, махаббат, табиғат тақырыбына жазылған өлеңдері де сыршылдығымен ерекшеленеді, оқушы қауымды тазалыққа, сұлулыққа, адалдыққа үндейді.
Достарыңызбен бөлісу: |
