«Сенен етеккір жайлы сұрайды. Оларға «Ол – жиіркенішті зат. Етеккір кезінде әйелдерден аулақ болыңдар. Оларға тазарғанға дейін жақындаспаңдар» де. Шәксіз, Аллаһ тәубе етушілерді жақсы көреді әрі таза болушыларды жақсы көреді» 1 , – деп айтқаны бізге белгiлi.
Әнәс ибн Мәлик (Аллаһ оған разы болсын):
«Яһудилер етеккір кезiнде әйелдерiмен бірге ішіп-жемейтін және олармен бірге тұрмайтын. Сахабалар Пайғамбардан (с.а.с.) мұның мәнін сұрағанда Аллаһ тағала осы аятты түсірді. Ал Пайғамбар (с.а.с.): «Қосылудан өзге бәрін жасауға болады» , – деді» , – деп
жоғарыдағы аяттың түсу себебiн баяндаған
2
.
7. Жүкті әйелмен қосылу үкiмi Жүкті әйелмен босанғанға дейін қосылуға болатындығына
және жүктіліктің қосылуға кедергi болмасына талас жоқ. Алайда
аяғы ауыр әйелімен қосыларда ерiнiң төсек қатынасында ептiлiк
танытып, әйелі қиналмайтындай жайлы тәсiлдi таңдағаны жөн.
Әсіресе, соңғы айларда абай болып, осыны ескеруі керек. Себебi
мерзiмi жақындаған әйелдің жүгі ауырлағандықтан, көп
шаршауы – заңдылық. Осы уақыттарда ері құмарлығын тежеп,
сабыр танытқаны игi.
