Биометрияның әдістері арқылы өзгермелі белгі объектілер тобы деп аталатын жиында немесе жинақта зерттеледі. Жиынның екі типін ажыратады: бас және іріктеме.
Бас жиын (N) объектілердің көп санынан құралған, сондықтан оны зерттеу өте күрделі және көп қаражат қажет етеді, кейде оны зерттеу тиімсіз болады. Бас жиынның көлемі шексіздікке ұмтылғанымен нақты жағдайда оған енетін варианталар саны алға қойылған мақсатқа сәйкес әр түрлі болады. Мысалы, адам санағы кезінде бас жиынның көлемі мемлекет құрамындағы барлық азаматтар санына тең болады немесе мемлекетте өсірілетін қайсыбір мал тұқымының барлық өкілдері бас жиынды сипаттайды. Басқа жағдайда бас жиын болып шаруашылықта өсірілетін қайсыбір популяцияның (мысалы, сол өңір тұрғындары немесе мал тұқымы немесе өсімдік сортының барлық өкілдерінің жиыны саналады. Кейбір объектілердің бас жиынын зерттеу мүмкін болмайды. Мысалы, организмнің барлық қан құрамын зерттеу олардың өлімге душар болуына байланысты мүмкін болмайды
